მწერალი და ჟურნალისტი, ნესტან ნენე კვინიკაძე, სოციალურ ქსელში, ნარკოტიკებთან და ნარკომომხმარებლებთან დაკავშირებით მიმართვას ავრცელებს.
„ცუდი ტონი ამ თემაზე ლაპარაკი კი არა, – ეს ყბადაღებული და დანაშაულებრივი დუმილია. ნარკოტიკი არის ის, რაც გართმევს ნაღდს და გაჩეჩებს ტყუილს. სირცხვილი და ქაჯობაა ნარკოტიკის რომანტიზება; დღემდე აქტუალურია აზრი, რომ თითქოს, კონკრეტული არტისტები ნარკოტიკის მოხმარებამ აქცია სუპერგმირებად. ტყუილია! ისინი ისედაც მაგრები იყვნენ და უფრო მაგრებიც იქნებოდნენ ნარკოტიკის გარეშე. დავიწყოთ საგანგაშო რეალობაზე ლაპარაკი, თუნდაც საკუთარი გამოცდილების გაზიარებით,“ – წერს ნესტან ნენე კვინიკაძე.
