გამორჩეული მსახიობი მერილ სტრიპი 74 წლისაა. საკულტო ფილმებიდან ვიცნობთ, გვიყვარს და პატივს ვცემთ მის პროფესიონალიზმს. მერილ სტრიპს საკუთარი სამოქალაქო პოზიციის დაფიქსირების არასოდეს ეშინოდა, აქტიურად მონაწილეობს საქველმოქმედო, თუ სოციალურ საქმიანობაში. თუმცა, ბევრმა არ იცის, რომ დატვირთული კარიერის პარალელურად, ის მრავალშვილიანი დედაცაა. მსახიობს 4 შვილი – 3 გოგონა და 1 ვაჟი ჰყავს. მისი ყველა შვილი შემოქმედებით საქმიანობას ეწევა. ვაჟი ჰენრი ვულფ ჰარმერი მუსიკოსია, გოგონები – მემი და გრეისი მსახიობები არიან, უფროსი შვილი ლუიზა კი, მოდელია.
მერილ სტრიპი შვილებისა და პირადი ცხოვრების შესახებ საჯაროდ ხშირად არ საუბრობს. თუმცა, მან რამდენიმე ინტერვიუში ჟურნალისტებს დედობის შესახებ საკუთარი პოზიცია გაუზიარა:
- დედობის მნიშვნელობის შესახებ
“დედობა ყველაზე ჰუმანური პროფესიაა. შენ შეგიძლია, ყველაფერი ძირეულად შეცვალო.”
- შვილების სამსახიობო კარიერის შესახებ
“რა თქმა უნდა, მინდოდა, ისინი საკუთარ ოცნებებს მიჰყოლოდნენ და ის აერჩიათ, რაც სურდათ, მაგრამ ყოველთვის ვეუბნებოდი, რომ სათადარიგო გეგმაც ჰქონოდათ. მაგალითად, გრეისი ხელოვნების ისტორიასა და იტალიურს სწავლობდა. სხვადასხვა ინტერესი ჰქონდათ დანარჩენებსაც. მაგრამ, ყველაზე მეტად იმაზე ვღელავდი, როგორ იმოქმედებდა სოციალური მედია და პრესა მათ ცხოვრებაზე. ახლა სოციალური მედია იმდენად მძლავრია, რომ არავის ინდობს. როცა მათ ასაკში ვიყავი, ასეთი პრობლემა არ მქონია”. გააგრძელეთ კითხვა
