შვილი, რომლის გამოც კამერონ დიასმა ჰოლივუდი მიატოვა – როგორ გამოიყურება პატარა გოგონა, რომელსაც დედა კამერების წინაშე არასოდეს აჩენდა

კამერონ დიასი ოჯახური სეირნობისას პაპარაცებმა

ძალიან მალე პატარა რედიქსი 4 წლის გახდება. თუმცა, კამერონ დიასი გადასაღებ მოედანზე დაბრუნებას არ ჩქარობს – ამ ეტაპზე დედობას პირველ ადგილზე აყენებს და ბოლომდე ტკბება ამ ბედნიერებით.

იმისათვის, რომ ჰოლივუდის მწვერვალს მიაღწიონ, მსახიობები წარმოუდგენელ ძალისხმევას ხარჯავენ. კამერონ დიასის კარიერა კი უბრალო შემთხვევითობით დაიწყო. 1994 წელს, უკვე საკმაოდ ცნობილმა მოდელმა, კომედიაში “ნიღაბი” როლი მხოლოდ ლამაზი გარეგნობის გამო მიიღო. რეჟისორმა ჩაკ რასელმა ჯერ არაფერი იცოდა ვარსკვლავის დრამატული მონაცემების შესახებ და პროექტში მხოლოდ იმიტომ მიიწვია, რომ ანა ნიკოლ სმიტს ჰგავდა. თავდაპირველად სწორედ ნიკოლი ჰყავდა გათვალისწინებული ამ როლზე, მაგრამ მოდელმა კასტინგზე ცუდად ითამაშა, ამიტომ მასზე რეჟისორმა უარი თქვა. კამერონი მხოლოდ მის შემცვლელად განიხილებოდა, თუმცა მაყურებლებმა და კრიტიკოსებმა ის ძალიან თბილად მიიღეს. ამიტომ კამერონის კარიერა თავბრუდამხვევი სისწრაფით განვითარდა.
მას არასოდეს განუცდია როლების ნაკლებობა, არც მრავალმილიონიანი ჰონორარები და პრემიები აკლდა. წარსულში მსახიობმა არაერთხელ განაცხადა ინტერვიუებში, რომ თავს კარიერისტად თვლის და ოჯახის გულისთვის სამუშაოზე უარს არასოდეს იტყოდა, მაგრამ ყველაფერი სხვაგვარად მოხდა.

2015 წლის იანვარში დიასი ჯგუფ Good Charlotte-ის გიტარისტს და ბექვოკალისტს ბენჯი მედენს გაჰყვა ცოლად. 2019 წელს კი ქალიშვილი რედიქსი შეეძინა.

სწორედ მისი დაბადების შემდეგ გამოაცხადა კამერონ დიასმა, რომ სამსახიობო კარიერას აპაუზებდა, რათა მთლიანად მიეძღვნა თავი ოჯახისა და შვილისთვის. მას შემდეგ კი კარიერას აღარ დაბრუნებია. ამასობაში მისი ქალიშვილი მალე 4 წლის გახდება და უკვე ცხადია, რომ ნამდვილ ლამაზმანად იზრდება.

მსახიობი ცდილობს, რაც შეიძლება ნაკლებად გამოაჩინოს რედიქსი საჯაროდ და ფოტოებს სოციალურ ქსელებში არ აქვეყნებს. თუმცა ცოტა ხნის წინ პაპარაცებმა კამერონი ქალიშვილთან ერთად მონტეციტოს ერთ-ერთ ქუჩაზე დააფიქსირეს. მსახიობს მეუღლეც ახლდა.

51 წლის მსახიობი ამბობს, რომ დედობა მის ცხოვრებაში საუკეთესო ნაწილია. ” მიყვარს დედად ყოფნა! ეს საუკეთესო პერიოდია. ძალიან მადლობელი და ბედნიერი ვარ, ეს არის საუკეთესო რამ, რაც შეიძლებოდა მომხდარიყო და ძალიან გამიმართლა, რომ ეს ბენჯისთან ერთად გავიარე. მშვენივრად ვატარებთ დროს“, – ამბობს დიასი.

ამავდროულად, კამერონი აღიარებს, რომ მიუხედავად მთელი სიხარულისა, ზოგჯერ მაინც აწყდება მშობლობის სირთულეებს და სასოწარკვეთილმა შეიძლება ხმასაც კი აუწიოს ქალიშვილის წინაშე, მაგრამ მაშინვე ბოდიშს უხდის და ზოგადად, ცდილობს, ოჯახში რაც შეიძლება ნაკლები კონფლიქტური სიტუაცია იყოს.