მწვავე პნევმონიით, მშობიარობის შემდეგ, 39 წლის ქალი გარდაიცვალა. ქალი მძიმე მდგომარეობაში, 12 თებერვალს, ჯანმრთელობის ცენტრ “მედინადან” თურქეთში გადაიყვანეს.
როგორც გამოცემა წერს, ქალი, თავდაპირველად, თერაპიულ განყოფილებაში მოათავსეს, მას პნევმონია
გაუმწვავდა და ფილტვების უკმარისობა განუვითარდა. მდგომარეობის დამძიმების შემდეგ კი, პაციენტს საკეისრო კვეთა ჩაუტარდა.
კლინიკის ინფორმაციით, ქალის ჯანმრთელობის მდგომარეობის გაუარესების გამო, სამედიცინო კონსილიუმისა და ოჯახი შეთანხმების საფუძველზე, პაციენტი თურქეთში გადაიყვანეს.
რაც შეეხება ჩვილის მდგომარეობას, ახალშობილი კლინიკიდან უკვე გაწერეს.
“ჩვენო თოჯინაზე და ფერიაზე ლამაზო ქეთი… რა საშინელება დაგვატყდა თავს…თვეზე მეტია ებრძოდი არასწორი მკურნალობის შედეგებს, ისე, რომ შენი 14 წლის ნანატრი ახალშობილი მარიტას ნახვა და ჩახუტებაც ვერ მოასწარი…მშვიდად განისვენე საოცარო, თავგანწირულო დედავ, სამუდამოდ გვემახსოვრები”,- წერენ ახლობლები.
