მაშველებმა თელავში დაკარგული მოზარდები 25 მეტრის სიღრმის ხევიდან უვნებლად ამოიყვანეს – ამის შესახებ ინფორმაციას საგანგებო სიტუაციების მართვის სამსახურის ფეისბუქის გვერდი ავრცელებს.
თელავში, ერთ-ერთი სასტუმროს მიმდებარედ, ხევში გადაადგილების დროს, ორი მოზარდი დაიკარგა და რთული რელიეფის გამო ვეღარ შეძლეს უსაფრთხო ადგილზე დამოუკიდებლად გამოსვლა.
ადგილზე გამოცხადდნენ საგანგებო სიტუაციების მართვის სამსახურის თანამშრომლები. მეხანძრე-მაშველებმა მოზარდი, სპეციალური აღჭურვილობის საშუალებით, ხევიდან 25 მეტრის სიღრმიდან უვნებლად გამოიყვანეს.
მოზარდების ჯანმრთელობას საფრთხე აღარ ემუქრება – ვკითხულობთ ინფორმაციაში.
