საქართველო ლუქსემბურგის თამაშს დღეს ილია თოფურია გახსნის.
UFC-ის ჩემპიონის თქმით, დღეს ქართული ფეხბურთის ისტორიისთვის დიდებული დღეა.
„სამშობლოში დაბრუნება ყოველთვის დიდ ემოციებთან არის დაკავშირებული. დღეს ქართული ფეხბურთის ისტორიისთვის დიდებული დღეა. ეჭვი არ მეპარება, რომ გამარჯვებას მოვიპოვებთ. ვერ ვითმენ, რომ ხალხთან გავიდე და ეს გამარჯვება გავიზიარო.
ყოველთვის ვამბობ, რომ შემთხვევით არაფერი ხდება. ის ფაქტი, რომ დღეს ღმერთმა აქ მომიყვანა და უნდა დავესწრო ამ მატჩს, არ მიტოვებს ეჭვის შეტანის უფლებას. მგონია, რომ დღეს გავიმარჯვებთ და გოლსაც არ გავატანინებთ – 2:0“, – განაცხადა ილია თოფურიამ „იმედის კვირაში“.
