UFC-ის პირველი ქართველი ჩემპიონი, ილია თოფურია საქართველოს ეროვნული საფეხბურთო ნაკრების მიერ საბერძნეთის ნაკრების დამარცხებას და ევროპის 2024 წლის ევროპის ჩემპიონატზე მოხვედრას გამოეხმაურა. “ეჭვიც არ მეპარებოდა ჩვენს გამარჯვებაში! ჯგუფიდანაც გავალთ”, – წერს ილია თოფურია Instagram-ზე.
შეგახსენებთ, რომ რამდენიმე დღის წინ, ილია თოფურია საქართველოში იმყოფებოდა და საქართველოსა და ლუქსემბურგს შორის გამართული მატჩი გახსნა და UFC-ის საჩემპიონო ქამარი წარადგინა. იმ დროს, ილია თოფურიამ მატჩის შედეგიც იწინასწარმეტყველა და თქვა, რომ საქართველოს ნაკრები ანგარიშით 2-0 მოიგებდა – მებრძოლის ეს პროგნოზი ახდა.
