გიორგი ჩაკვეტაძის დედამ, მთვარისა რუხაძემ გიორგის ბავშვობაზე გადაცემაში „პრაიმშოუ“ ისაუბრა.
„ძალიან ბედნიერი ვარ, რომ ამ თამაშს მოვესწარი. ბავშვობაში ეზოში რომ ჩავიდოდა და ითამაშებდა, ყველა მეუბნებოდა, როგორ მაგრა თამაშობდა, მეზობლის ბიჭი ამოვიდა ერთ დღეს და მითხრა, მოდი, წავიყვანოთ გიორგი ფეხბურთზეო.
დინამოზე წავიყვანეთ, მაშინ ბატონი გივი ლომიძე იყო მწვრთნელი.. გიორგი პატარა ასაკში ისეთ რაღაცებს აკეთებდა, ბატონმა გივიმ ჰკითხა, შენ ჩაკვეტაძე ხარ თუ მესხიო.
გივის სიტყვები მახსოვს, ეუბნებოდა: „შენ ვარსკვლავად ხარ დაბადებული და ვარსკვლავი იქნებიო“
ძალიან დიდი ტრაგედია იყო ჩვენთვის და გიორგისთვის მისი ტრავმა, თუმცა გიორგიმ შეძლო ფსიქოლოგიურად ამის დაძლევა და დაბრუნება… ამ ჯგუფიდან უნდა გავიდეთ აუცილებლად!“
