აქტივისტები სპეცდანიშნულების რაზმებს ძალის გამოყენებაში ადანაშაულებენ – მოძრაობა “სირცხვილიას” წევრი, მარიამ დოლიძე, რომელსაც ამ წუთებში ოპერაციისთვის ამზადებენ”, გუშინდელი ღამის სასტიკ დეტალებს იხსენებს.
სამოქალაქო აქტივისტი “პირველებთან” იმ კონკრეტულ სიტუაციას იხსენებს, რის გამოც მან სხეულის არეში დაზიანებები მიიღო. მარიამ დოლიძე ამბობს, რომ მას ხელის მოტეხილობა და ფეხზე ჭრილობა აღენიშნება.
ახალგაზრდა გოგო “პირველების” კორესპონდენტთან საუბრის დროს იხსენებს, თუ როგორ წაიქცა აქციის მიმდინარეობისას და როგორ გადაუარეს მას სპეცრაზმელებმა, რომლებიც მომიტინგეებს ადგილის დატოვების საშუალებას არ აძლევდნენ.
ძალიან მოულოდნელად, სრულ სიმშვიდეში არაფერი არ ხდებოდა და უცებ გავიგეთ ძალიან ძლიერი ბრაგუნი. სპეცრაზმელები რომ ურტყამენ ხოლმე თავიანთ ხელჯოხებს, ფარებს მაგის ხმა. ამის ხმამ ყველა შეგვაშინა. ფეხზე რომ წამოვხდი, ჯერ რამდენიმე ადამიანი დამეჯახა, მერე სპეცრაზმელებმა გადამიარეს. მივხვდი, რომ ჩემით ვერ ვდგებოდი და ვყვიროდი, რომ იქნებ ვინმეს წამოვეყენებინე. მივხვდი, რომ ტრავმა მქონდა იდაყვზე მიღებული. ფეხსაცმელი დავკარგე ერთი. ფეხი რომ დამადგეს ფეხზე გამძვრა ეს ფეხსაცმელი და ჭრილობა მაქვს ფეხზე. მთლიანი ტანით დავეცი და შემდეგ გადამიარეს აქციის მონაწილეებმაც და შემდეგ უკვე სპეცრაზმელებმაც. ჩემ გვერდით ბიჭები სცემეს უმოწყალოდ. მათი მოტივაცია იყო, რომ ადამიანები დაეზიანებინათ. სპეცრაზმელები ბოლოს უკვე ერთმანეთს აჩერებდნენ. მეტი აღარ გაყვეო ერთმანეთს ეძახდნენ, რადგან დიდხანს გვდიეს ძალიან ამ პატარა ქუჩებში”, – ამბობს მარიამ დოლიძე.
