2013 წლის დეკემბერში 2012 წლის დეკემბერთან შედარებით ინფლაციის დონემ საქართველოში 2,4%-ი შეადგინა.
სტატისტიკის ეროვნული სამსახურის ცნობით, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:
სურსათისა და უალკოჰოლო სასმელების ჯგუფში ფასები გაიზარდა 5,7%-ით, რამაც წლიური ინფლაციის მთლიან მაჩვენებელზე 1,75%-ლი პუნქტით მოახდინა გავლენა.
ჯგუფში ფასების მნიშვნელოვანი ზრდა დაფიქსირდა ბოსტნეულსა და ბაღჩეულზე (44,0%-ი), ფასების გაიზარდა ასევე რძე, ყველი და კვერცხის ქვეჯგუფზე (3,0%-ი). ამასთან, ფასები შემცირდა ხილისა და ყურძნის ქვეჯგუფზე (-7,3%-ი), ზეთსა და ცხიმზე (-4,0%-ი).
ალკოჰოლური სასმელები, თამბაქოს ჯგუფზე ფასები გაიზარდა 8,1%-ით, რაც დეკემბრის თვის წლიურ ინდექსზე 0,43%-იანი წვლილით აისახა. ფასების მატება დაფიქსირდა თამბაქოს ნაწარმზე (13,6%-ი).
ტრანსპორტის ჯგუფში შემავალ საქონელზე (მომსახურებაზე) ფასები შემცირდა 1,7 %-ით, რამაც წლიური ინფლაციის მთლიან მაჩვენებელში -0,22%-ი პუნქტი წვლილი შეიტანა. აღნიშნულ ჯგუფში ფასები შემცირდა სატრანსპორტო საშუალებების შეძენაზე (-7,4%-ი) და პირადი სატრანსპორტო საშუალებების ექსპლუატაციაზე (-1,9%-ი).
03.01.14
