Planet Football-მა ევრო 2024-ის ჯგუფების რეიტინგი შემოგვთავაზა ჯგუფური ეტაპის დასრულების შემდეგ. საქართველოს ნაკრებმა ევროპის ჩემპიონატის მთავარი სენსაცია შემოგვთავაზა, ამიტომაც გასაკვირი არ არის მისი მაღალი რეიტინგი, თუმცა გამოცემა მას ევროპული ფეხბურთის გრანდ ინგლისზე მაღლა აყენებს!
24 გუნდიან სიაში ვილი სანიოლის გუნდი მე-10 პოზიციაზეა.
“საქართველოვ, სად იყავი მთელი ჩვენი ცხოვრების განმავლობაში? პორტუგალიასთან მატჩში როგორც იქნა, ხვიჩა კვარაცხელიამ გაიტანა თავისი ადრეული გოლი და მეორე ტაიმში ტურნირის ბომბარდირმა გიორგი მიქაუტაძემ მეორეც გაიტანა.
მათმა ტექნიკამ და სიმამაცემ ქვეყანას ახალი მეგობრების ლეგიონი შესძინა. კვირას საქართველოს ნაკრებს მისთვის წაუგებელი მატჩი აქვს ესპანეთთან”, – წერს Planet Football.
Planet Football-ის რეიტინგი
1. ესპანეთი
2. გერმანია
3. ავსტრია
4. პორტუგალია
5. საფრანგეთი
6. შვეიცარია
7. რუმინეთი
8. თურქეთი
9. იტალია
10. საქართველო
როგორც ხედავთ, საქართველოს ნაკრები მეათე პოზიციაზეა ევროპის მოქმედი ჩემპიონების შემდეგ. მე-11 სწორედ ევროს ერთ-ერთი ფავორიტი ინგლისია, ხოლო მე-12 – ბელგია და შემდეგი ნიდერლანდები. რეიტინგის ბოლო პოზიცია შოტლანდიას უკავია – 24-ე ადგილი.
