საქართველოს პრეზიდენტი გიორგი მარგველაშვილი სომეხ თანამოქალაქეებს შობას და ნათლისღებას ულოცავს.
“ჩემო ძვირფასო თანამოქალაქენო, სულითა და გულით გილოცავთ შობისა და ნათლისღების ბრწყინვალე დღესასწაულს, რომელსაც სომხეთის წმინდა სამოციქულო მართლმადიდებელი ეკლესია დღეს, 6 იანვარს აღნიშნავს. სომეხთა და ქართველთა მეგობრობა იმდენი ხნისაა, რამდენისაც ჩვენი ქვეყნების ისტორია. საქართველოში მცხოვრები ეთნიკური სომხები საუკუნეთა განმავლობაში დაუღალავად იღწვიან ქვეყნის აღმშენებლობისა და განვითარებისათვის”, – ნათქვამია გიორგი მარგველაშვილის მილოცვაში.
ამასთან, პრეზიდენტის განმარტებით, საქართველო ამაყობს თავისი სახელოვანი ეთნიკურად სომეხი შვილებით – მეცნიერებით, კულტურისა თუ საზოგადო მოღვაწეებით.
“კიდევ ერთხელ გილოცავთ ამ შესანიშნავ დღეს. ჯანმრთელობას, ბედნიერებას, მშვიდობასა და კეთილდღეობას გისურვებთ თქვენ და თქვენს ოჯახებს”, – აღნიშნავს საქართველოს პრეზიდენტი.
06.01.14
Discussion about this post