თურქეთის ოპოზიცია კორუფციასთან დაკავშირებულ სკანდალთან კავშირში ქვეყნის პრემიერის ვაჟს ადანაშაულებს. ოპოზიციის ლიდერები რეჯეპ ტაიპ ერდოღანის შვილს ბრალს ფულის გათეთრებაში სდებენ.
მათი განცხადებით, არსებობს ფოტოები, რომლებზეც ბილიალ ერდოღანი “ალ ყაიდას” მხარდაჭერაში ეჭვმიტანილ ბიზნესმენს ხვდება. შეხვედრა სტამბოლის ერთერთ სასტუმროში შედგა.
კორუფციასთან დაკავშირებული სკანდალის გამო, გუშინ თურქეთში 16 პროვინციის პოლიციის უფროსი გაათავისუფლეს. თავად ქვეყნის პრემიერმა ოპერაცია, რომელიც ხელისუფლების ინფორმირების გარეშე ტარდებოდა, პროვოკაციად შეაფასა და განაცხადა, რომ მისი მიზანი ქვეყანაში ხელისუფლების შეცვლაა.
09.01.14
