წელს საქართველოში რეკორდული რაოდენობის ჩინური

საქართველო-ჩინეთს შორის სავაჭრო ბრუნვა გაიზარდა. თუმცა, მხოლოდ რეკორდული იმპორტის ხარჯზე, რადგან საქართველოდან ექსპორტი შემცირებულია.

უფრო კონკრეტულად, საქსტატის მონაცემებით, წელს იანვარ-სექტემბერში ქვეყნებს შორის 1.427 მლრდ აშშ დოლარის ვაჭრობა შედგა, წინა წლის ანალოგიურ პერიოდში 1.258 მლრდ აშშ დოლარის.

ამასთან, წელს 9 თვეში საქართველოდან ჩინეთში 233.5 მლნ აშშ დოლარის პროდუქცია გაიგზავნა, წინა წლის ანალოგიურ პერიოდში 267.4 მლნ აშშ დოლარის.

რაც შეეხება იმპორტს, წელს 9 თვეში რეკორდული მაჩვენებელი დაფიქსირდა. სტატისტიკის მიხედვით, 2024 წლის იანვარ-სექტემბერში ჩინეთიდან საქართველომ 1.194 მლრდ აშშ დოლარის პროდუქცია შეიძინა, რაც წინა წლებთან შედარებით ყველაზე მაღალი მაჩვენებელია (საგარეო ვაჭრობის პორტალზე ეს მონაცემი ხელმისაწვდომი 2009 წლიდან არის). შედარებისთვის, 2023 წლის 9 თვეში იმპორტმა 991.1 მლნ აშშ დოლარი შეადგინა, 2022 წლის იგივე პერიოდში – 830.2 მლნ აშშ დოლარი, 2021 წლის იანვარ-სექტემბერში – 600.1 მლნ აშშ დოლარი და ა.შ.

გთავაზობთ, იმ პროდუქტების ხუთეულს, რომელიც წელს, საანგარიშო პერიოდში, ყველაზე დიდი რაოდენობით ვიყიდეთ და გავყიდეთ ჩინეთში.

ტოპ-5 იმპორტირებული პროდუქტი:

მოწყობილობები ჰაერის კონდიცირებისათვის – 40.316 მლნ აშშ დოლარი

ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი – 39.970 მლნ აშშ დოლარი

სატვირთო ავტომობილები – 38.356 მლნ აშშ დოლარი

გამომთვლელი მანქანები და მათი ბლოკები – 34.836 მლნ აშშ დოლარი

რეზინის პნევმატური სალტეები და საბურავები, ახალი – 34.678 მლნ აშშ დოლარი

ტოპ-5 ექსპორტირებული პროდუქტი:

მადნები და კონცენტრატები ძვირფასი ლითონებისა – 144.068 მლნ აშშ დოლარი

კოჭა, ზაფრანა, ურცი, დაფნის ფოთოლი, კარი და სხვა სანელებლები – 25.520 მლნ აშშ დოლარი

მადნები და კონცენტრატები სპილენძის – 23.905 მლნ აშშ დოლარი

ხელსაწყოები და მოწყობილობები მედიცინაში ან ვეტერინარიაში გამოსაყენებელი – 18.131 მლნ აშშ დოლარი