„არცერთ განვითარებულ, დემოკრატიულ ქვეყანაში პოლიცია არ გაპატიებს იმას რასაც საქართველოში, ქართველი სამართალდამცველი გპატიობს!“ – ზურა ხაჩიძე

ქვეყანაში მიმდინარე მოვლენებს სოციალურ ქსელში მომღერალი ზურა ხაჩიძე ეხმაურება. ის პატივისცემას გამოხატავს სამართალდამცავების მიმართ და აცხადებს, რომ არ უნახავს „მსოფლიოში იმაზე გაწონასწორებული სამართალდამცავი როგორიც საქართველოშია“.

„კარგად დააკვირდით მოვლენების განვითარებას და ვინც ვერ ხედავს დაინახოს! გუშინ რუსთაველზე ჩატარდა აქცია, სადაც გასული დღეებისგან განსხვავებით ადამიანები საკუთარ პროტესტს მშვიდობიანი ფორმით გამოხატავდნენ, მეორე მხარეს ისევ ის პოლიცია იდგა, რომელსაც გასული დღეების განმავლობაში ძალადობაში ადანაშაულებდნენ, ცილს სწამებდნენ, ათას ბრალს უყენებდით და ტალახს ესროდნენ. გუშინ სათანადო პოლიციური ღონისძიებების ჩატარებამ და პრევენციამ შედეგი გამოიღო.

კიდევ ერთხელ ვამბობ საქართველოში მშვიდობიანი გამოხატვის უფლებას კანონი იცავს, არ მინახავს მსოფლიოში იმაზე გაწონასწორებული სამართალდამცავი როგორიც საქართველოშია.

ვცხოვრობდი საბერძნეთში (აქციების მექაში) ასევე ჰოლანდიაში და ლამის ნახევარი მსოფლიო მოვლილი მაქვს, არცერთ განვითარებულ, დემოკრატიულ ქვეყანაში პოლიცია არ გაპატიებს იმას რასაც საქართველოში, ქართველი სამართალდამცველი გპატიობს!

ამიტომ ორმაგი სტანდარტები უნდა გადავდოთ და სიმართლეს ჩავხედოთ თვალებში! იქნება მშვიდობიანი აქცია?! იქნება ადეკვატური მოქცევა სამართალდამცველებისგან!“, – წერს ზურა ხაჩიძე.