მეტროსადგურს ” უნივერსიტეტის” სადგურზე მამაკაცს, სავარაუდოდ, ხელი კრეს და ლიანდაგებში ჩააგდეს. ის ადგილზე დაიღუპა
ამ დროისთვის მეტრო გაჩერებულია. ადგილზე არიან სამართალდამცავები.
სოციალურ ქსელში ვრცელდება ვიდეო, სადაც თვითმხილველები ამბობენ, რომ მამაკაცს ხელი კრეს და ის ნასვამ მდგომარეობაში იმყოფებოდა.
“ეს რას შევესწარი ღმერთო ჩემო. ნასვამ ადამიანს, ხელი კრა ვიღაცამ და მატარებლის ქვეშ ჩააგდო. სამწუხაროდ მამაკაცი გარდაიცვალა. დამნაშავე მეტროს თანამშრომელმა გოგონამ და 18 წლის ბიჭმა დაიჭირეს გაქცევის დროს”, – წერს სოციალურ ქსელში თვითმხილველი.
ოფიციალურად, ჯერჯერობით, შსს-ს განცხადება არ გაუვრცელებია.
