ახალციხის მუნიციპალიტეტის სოფელ მუგარეთთან ავტოსაგზაო შემთხვევა მსხვერპლით დასრულდა. შემთხვევის ადგილზე მისულ სასწრაფო დახმარების ჯგუფს ავტომანქანაში ორი პირი დაღუპული დახვდა. ერთი დაშავებული ახალციხის რეფერალურ ჰოსპიტალშია გადაყვანილი. ინფორმაციას „სამხრეთის კარიბჭე“ ავრცელებს.
თვითმხილველების ინფორმაციით, ავტომობილის მძღოლმა საჭე ვერ დაიმორჩილა, სავალი ნაწილიდან გადავიდა და ხეს შეეჯახა.
მომხდართან დაკავშირებით გამოძიება სსკ–ს 276–ე მუხლის მერვე ნაწილით დაიწყო, რაც ტრანსპორტის მოძრაობის უსაფრთხოების წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
