24 წლის ქალი, რომელსაც ქმარმა მძიმე დაზიანებები მიაყენა, 10 დეკემბერს კლინიკაში გარდაიცვალა. საუბარია თიანეთში, ნოემბერში მომხდარ დანაშაულზე, როდესაც კაცმა ახალგაზრდა ქალის დაწვა სცადა. სამი შვილის დედა თითქმის 1 თვე საავადმყოფოში იყო მოთავსებული, თუმცა დაზიანებები იმდენად მძიმე აღმოჩნდა, რომ ექიმებმა მისი გადარჩენა ვეღარ შეძლეს. ქალი 10 დეკემბერს დაიღუპა. ინფორმაციას AMBEBI.GE ავრცელებს.
არსებული ინფორმაციით, ქმარმა ქალის დაწვა მცირეწლოვანი შვილების თვალწინ სცადა. კაცი პოლიციამ დააკავა და გამოძიება მის წინააღმდეგ სსკ-ის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.
ამ საქმის სასამართლო განხილვა 27 დეკემბერს უნდა დაწყებულიყო, თუმცა ქალის გარდაცვალების გამო, პროცესი გადაიდო.
სავარაუდოდ, დაკავებულს ბრალს დაუმძიმებენ.
