ვანო მერაბიშვილი ხელისუფლებას და სოზარ სუბარს ახსენებს, რიმ “დანაშაულის ხანდაზმულობის ვადა 12-14 წელია”.
როგორც მერაბიშვილმა საქალაქო სასამართლოში მიმდინარე პროცესზე განაცხადა, ვადის ამოწურვამდე მოქმედი ხელისუფლება ხელისუფლებაში აღარ იქნება და პასუხს აგებს “იმ დანაშაულზე, რომელიც მისი ციხიდან გაყვანას უკავშირდება”.
“ამდენი ხანი ღარიბაშვილის და ივანიშვილის ხელისუფლება აღარ იარსებებს და ისინი პასუხს აგებენ”, – განაცხადა მერაბიშვილმა სასჯელაღსრულების სამინისტროს მიერ გამოქვეყნებულ მოკვლევის კომენტირებისას, რომელიც მერაბიშვილის მიერ მისი ციხიდან გაყვანის შესახებ განცხადების გაკეთების შემდეგ ჩატარდა.
ვანო მერაბიშვილმა სასამართლოში ასევე განაცხადა, რომ მისი ციხიდან გაყვანა პირადად ბიძინა ივანიშვილის მიერს ღარიბაშვილისადმი მიცემული დავალებაა, რომელიც ყოფილმა მთავარმა პროკურორმა ბრწყინვალედ აღასრულა.
“ბიძინა ივანიშვილმა, რომელსაც გონია, რომ ფსიქოანალიზის ძალიან კარგი მცოდნეა, ჩათვალა, რომ მე ისეთი რეაქცია მექნებოდა, როგორიც მათ, 6 თვე რომ თვითონ მჯდარიყო საკანში”,-განაცხადა მერაბიშვილმა.
16.01.14
