“ილონ მასკის SpaceX ირანის მოქალაქეებს Starlink-ის ინტერნეტს უფასოდ სთავაზობს,“ – ამის შესახებ ინფორმაციას CNN ირანელ Starlink-ის მომხმარებელზე დაყრდნობით ავრცელებს.
არაკომერციული ტექნოლოგიური ორგანიზაციის Holistic Resilience-ის აღმასრულებელი დირექტორის, აჰმად აჰმადიანის თქმით, ირანში Starlink-ის აბონენტების ანგარიშები, რომლებიც ადრე არააქტიური იყო, სამშაბათიდან ხელახლა გააქტიურდა და სააბონენტო გადასახადი გაუქმდა.
„ეს ძალიან მარტივია… უბრალოდ განათავსეთ [სატელიტური ტერმინალი] სადმე, სადაც ცის ხედი იშლება და მზად ხართ“, – განუცხადა მან CNN-ს.
-
გადაწყვეტილებას წინ უძღოდა აშშ-ის პრეზიდენტის დონალდ ტრამპისა და ილონ მასკის სატელეფონო საუბარი, რა დროსაც სწორედ აღნიშნული საკითხი განიხილეს.
შეგახსენებთ, მას შემდეგ რაც ირანში მასშტაბური ანტისამთავრობო საპროტესტო აქციები დაიწყო, მმართველობამ გადაწყვიტა ქვეყნის მასშტაბით გათიშოს ინტერნეტი და სატელეფონო კომუნიკაცია. შედეგად, მიმდინარე ვითარების შესახებ არსებულ ინფორმაციაზე წვდომა მთელი მსოფლიოს მასშტაბით შეიზღუდა.
უკვე მე-18 დღეა ირანში მასშტაბური ანტისამთავრობო დემონსტრაციები მიმდინარეობს. დემონსტრაციები ქვეყნის მასშტაბით 585 ადგილას – 186 ქალაქსა და 31-ვე პროვინციაში იმართება.
