ნეკა დოროყაშვილის სკანდალური ინტერვიუ: “ნიკა ეკლესიურად ისევ ჩემი ქმარია, ის გოგო კი მრუშობს”
ინფლუენსერი, მოდელი და უკვე მომღერალი ნეკა დოროყაშვილი პოდკასტ „სარკასტიკას“ სტუმარი იყო, სადაც ახალ ამპლუაზე, ყოფილ ქმართან ურთიერთობასა და სკანდალურ ალიმენტზე ისაუბრა. ინტერვიუ, როგორც მოსალოდნელი იყო, სავსე აღმოჩნდა ირონიული და ხშირად შოკისმომგვრელი განცხადებებით.
“მინდა, მამა ნიკოლოზმა კეფაში წამომკრას”
ნეკამ ინტერვიუში იხუმრა თავის “ძლიერი ქალის” იმიჯზე და აღნიშნა, რომ ეს როლი უკვე დაღალა. მან იუმორით ახსენა მამა ნიკოლოზიც:
“მომენატრა ცემა, ამიტომ მივალ მამა ნიკოლოზთან, ცოტა რომ წამომკრას კეფაში… მინდა ცოტა დამლოცოს.”
40 000-დოლარიანი ალიმენტი
ერთ-ერთი ყველაზე მწვავე თემა ნიკოლოზ ბასილაშვილის მიერ გადახდილი ალიმენტი აღმოჩნდა. კითხვაზე, მართალია თუ არა, რომ ჩოგბურთელი მას თვეში 40 000 დოლარს უხდის, ნეკამ დაადასტურა:
“რატომ არ უნდა მიხადოს, ვისზე ნაკლები ქალი ვარ. ამას იხდის იმაში, რომ მე ვიყო ლამაზი, კეთილშობელი და კარგ ხასიათზე გავზარდო შვილი.”
ნეკამ იხუმრა, რომ უნდა უჩივლოს დოლარი აღარ მოსწონს და აპირებს 40 000 ფუნტი მოითხოვოს.
განსაკუთრებული ყურადღება მიიპყრო მისმა განცხადებამ ბასილაშვილის ახალ ნიშნობაზე. მიუხედავად იმისა, რომ წყვილი ოფიციალურად გაშორებულია, ნეკა ამტკიცებს, რომ რელიგიურად სტატუსი უცვლელია:
“ნიკა ჩემს ქმრად ითვლება, ჯვარი არ გვაქვს აყრილი… ჩემი ქმარია, ეკლესიურად ჩემი ქმარია, ის გოგო კი სიძვას ეწევა და მრუშობს. მე ვარ ოფიციალური ცოლი, ის გოგო კი არის მრუში.”
მუსიკალური კარიერა და დამთხვევები
ნეკამ ასევე ისაუბრა თავის ახალ სიმღერაზე, რომლის გამოსვლაც საეჭვოდ დაემთხვა ნიკას ნიშნობას. თუმცა, თავად ამას “შემთხვევითობას” უწოდებს. სიმღერის ტექსტი, რომელიც სინანულსა და წარსულზეა, ბევრმა ყოფილ ქმარს დაუკავშირა, რაზეც ნეკა მხოლოდ იღიმის და ამბობს: “ვა, რეზონირდება? რაღაცა ესე დაჯდა.”
