ახალციხეში ავტოსაგზაო შემთხვევას მსხვერპლი მოჰყვა.
მსუბუქი ავტომობილი ქვეითად მიმავალ 40 წლის კაცს დაეჯახა, რომელიც ადგილზე დაიღუპა.
შემთხვევის ადგილზე მობილიზებულნი არიან სამართალდამცველები.
გამოძიება სსკ-ს 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
