„რატის ბარში“ მოკლული 18 წლის ახალგაზრდის საქმეზე ბრალდებულ ივანე გიგლემიანს უვადო პატიმრობა მიესაჯა.
დანაშაულის შეუტყობინებლობაზე დაკავებულ რატი პაკელიანს კი მუხლი გადაუკვალიფიცირდა და 3-წლიანი პატიმრობა განესაზღვრა. გადაწყვეტილება მოსამართლე თამარ მჭედლიშვილმა რამდენიმე წუთის წინ გამოაცხადა.
18 წლის ალეკო შაკიაშვილი 2025 წლის 11 მაისს „რატის ბარში“ მოკლეს.
ივანე გიგლემიანმა, შაკიაშვილს დანით სხეულის სხვადასხვა არეში ჭრილობები მიაყენა. მიყენებული ჭრილობების შედეგად ის ადგილზე გარდაიცვალა.
