თავისუფალი საზოგადოება “ახალი ნაკადის” თანადამფუძნებელი, თსუ ეკონომიკური პოლიტიკის მკვლევარი გიორგი მიქანაძე სოციალურ ქსელში საქართველოს კათოლიკოს პატრიარქის არჩევნების მიმდინარე პროცესს ეხმიანება.
გთავაზობთ მის შეფასებას:
“როდესაც პატრიარქზე ამბობ, ვინმეს დავალება შეასრულაო, რაზეც ბევრს “მჭერმეტყველებენ” – უბრალოდ უნდა იცნობდე მის ხასიათს… და თუ მაინც ამას ამბობ, არ ხარ ანალიტიკის ბაიბურში, ახლოს არ ხარ რაციონალურ და ლოგიკურ აზროვნებასთან.
მერე, – ხშირად ამბობდნენ ერთი მადლობა არ გამოუცხადებია მეუფე შიოსთვის პატრიარქს და ეს იმაზე მეტყველებსო, რომ აიძულესო პატრიარქი თავის გადაწყვეტილებაშიო – სრული უმეცრება. აქ ვიდეო კომენტარს დავდებ და ესეც ფაქტები, რომ ბრიყვულია ის მსჯელობა.
თავი რომ დავანებოთ იმას, რაც მე საკუთარი ყურით მაქვს მოსმენილი უშუალოდ პატრიარქისგან, ეს ცალკე მსჯელობის საკითხია.
ამიტომ, არ ვიცი რა სასწაული შეიძლება დატრიალდეს ხვალ. მაგრამ, ის რასაც ვგრძნობ და განვიცდი სუფთაა და გულწრფელი.
სამი კანდიდატის წარდგენით დავინახეთ რეალობა და ყველაფერი უკვე ცხადია და მადლობა ამ ჯანსაღი პროცესის ყველა მონაწილეს, მადლობა თქვენი წვლილისთვის და ეს ასეც უნდა მომხდარიყო. ფანტასტიკის სფეროა და დიდი უხერხულობა ეს შედეგები რომ შეიცვალოს. ჩემის მხრივ, ძალიან ვიკავებდი თავს ჩემი აზრი გამომეთქვა, ვიდრე საკითხი არ გადაწყდებოდა. ახლა ეს ფაქტობრივად გადაწყვეტილია და ეს ასეც უნდა ყოფილიყო. ეს ვიცოდი ჯერ კიდევ ქაშვეთში როცა ვიყავი გიორგობას, იქ მოხდა ეს გამორჩევა და იქაც, მაშინაც რაღაც არაამქვეყნიური ტრიალებდა იმ გიორგობა დღეს და მე ეს პროცესი ძალიან კარგად ვიგრძენი. ამიტომაც, აღფრთოვანებული ვიყავი და ერთ-ერთმა პირველმა ჩემი წერილით ვაცნობე მეუფე შიოს გამორჩევა ჩემს მაშინდელ მრავალრიცხოვან გამომწერებს და ამას თავისი დიდი დადებითი რეზონანსი მოჰყვა მაშინ.
ყველა წარდგენილი და გამორჩეული კანდიდატი ღირსეულია, როგორც კანდიდატი. პატრიარქი იქნება უფლის ნება მათზე და ჩვენზე. ჩვენ ამ ნებას მივიღებთ!
კიდევ ერთი დეტალი. ბევრი ამბობს პატრიარქის რჩეულიაო მეუფე შიო და ბევრი ამ კუთხით გამოთქვამს სიმპატიასა და მხარდაჭერას მის მიმართ. არ მგონია ეს პოზიცია სრული და სავსე იყოს. და ჩვენი რჩეული არ არის?! ვინ რას უწუნებს – განათლებას, კულტურას, მსოფლმხედველობას, მეტყველებისა და მსჯელობის კულტურას, ქრისტიანულ შემეცნებას, წარმომავლობას, წარმომადგენლობითობას, თუ ვინ რას უწუნებს? ამასთან, კაცი პატრიარქის პატრიარქობის პერიოდში როგორ იტევდა და აბალანსებდა მის პასუხისმგებლობას და უმძიმეს ტვირთს მართო მეორე კაცად პატრიარქ ილია მეორესთან ერთად. ბევრს უჭირს ამ პროცესის გააზრება. ამასთან, იქნება რაღაც ალბათ რაც არ მოგვეწონება, რაც არ ვიცი მე ან თქვენ – მაგრამ ვინ არის აბსოლუტი, ამას რატომ ითხოვთ?! განა ქრისტეს არ უწუნებდნენ ბრმას თვალს ურჩენდი კურნავდი კეთროვანს წყალმანკიერსო? ამის სანაცვლოდ… არ ვაკეთებ შედარებას უბრალოდ ვცდილობ საკუთარ თავში ჩაგახედოთ როგორები ვართ ადამიანები. ასეთები ვართ ადამიანები, კრიტიკულები და რადიკალურები, სხვის თვალებში მძრომიალეები. ეგოს ბრდღვიალებით ქრისტეს მსოფლმხედველობიდან შორს მოსეირნეები ხშირად. აქაც სიბრძნე გვმართებს და განგების მიყურადეება. პატრიარქობისთვის კომპლექსური უნარ-ჩვევებია საჭირო და ასევე ის მისტიკური პროცესი, რომელიც უფლის შემოქედებითობით ვლინდება სული წმიდის მადლით. ეს პროცესი უნდა შეიგრძნო. საერთოდ ვერ ვხედავ პატივად ვერც ეპისკოპოსობას და ვერც მითუმეტეს პატრიარქობას ან სასულიერო პირობას. ესაა ჯვარი, თუმცა ჯვარი შვებისა და სიტკბოების და ამას სხვა შემეცნება სჭირდება გააცნობიერო.
ეს ფოტო გადაღებულია NYC (New York City) მეუფე შიოს ამერიკაში ვიზიტის დროს სხვა ეპისკოპოსებთან ერთად, მოსაყდრედ მისი გამორჩევის შემდგომ. პატივია ჩემთვის და მე დიდი ხანია ჩვენს ეკლესიას და მის დასს ჩვენი ქვეყნისა და საზოგადოებრიობის ყველაზე დიდ სტაბილურ მსახურად მივიჩნევ და დროში ყველაზე სანდო ინსტიტუაციად. ამიტომ, ჩემი პროფესიული საქმიანობის პარალელურად ამ სივრცის მსახურება ჩემთვის ყოველთვის პატივი იყო და იქნება. მიუხედავად იმისა სად ვიქნები. ღმერთს მადლობა ყველაფრისთვის.
გაითვალისწინეთ და თქვენც დარწმუნდებით, როგორც პატრიარქ ილია მეორეზე მისი პატრიარქად გამოვლენიდან დაწყებული იყო ბრძოლები კრიტიკა და განკითხვის ალიაქოთი, ახლაც ამ ახალი პატრიარქის გამოვლენის მერეც არ შეწყდება კრიტიკა, სიბინძურე და ბრძოლა. ნუ დაბრკოლდებით! ბწყინვალე გონებამ უნდა მიხვდეს სად არის ბნელი და სად არის ნათელი.
ჩვენ ყველა ერთად უნდა დავირაზმოთ და ჩვენი შესაძლებლობის ფარგლებში ხელი შევუწყოთ ამ ახალი ეტაპის რეალობას.
დგება ეპოქა, როცა პატრიარქ ილია მეორის ღვაწლი იწყებს მოქმედებას, ბრწყინვალებას და აღსრულების აჟურში გადადის.
აქსიოს
აქსიოს
აქსიოს
ღმერთმა ჩვენი ახალი პატრიარქი, რომელიც მალე გვირგვინად მოევლინება ქართულ სულიერებას და უმნიშვნელოვანესი გამორკვევის პროცესს, რომელიც გაცნობიერებულ ცხოვრებამდე მიგვიყვანს.
სული წმიდის მადლი იყოს ჩვენს გულსა და გონებაში, რომ აღსრულდეს ნება უფლის და შევიტანოთ ჩვენი მნიშვნელოვანი წვლილი ქრისტე შემოქმედის მოძღვრების შემეცნებასა და აღსრულებაში.
ამინ!”
