გუშინ, სოციალურ ქსელში ტელეწამყვანმა ნანიკო ხაზარაძემ ვიდეო მიმართვა გაავრცელა, სადაც ამბობს, რომ ორი სამსახური დატოვა.
“დასრულდა ჩემი და ტელეკომპანია “იმედის” თანამშრომლობა, ასევე დასრულდა ჩემი და Globalcell-ის თანამშრომლობა. ძალიან გთხოვთ, არც დამირეკოთ, არც მომწეროთ. ამაზე მეტს ჩემგან ვერ გაიგებთ.
ყველაფერი კარგად არის, ცხოვრება გრძელდება. მადლობა, ნახვამდის”, – ამბობს ნანიკო ხაზარაძე ვიდეო მიმართვაში.
მალე სოციალურ ქსელში გავრცელდა “იმედის“ გადაცემიდან ვიდეო, სადაც წამყვანებს, სტუმრად ორნელა მუტი ჰყავთ. ტელეწამყვანი გია ჯაჯანიძემ მსახიობისთვის კითხვის დასმის დროს, მისი სახელი არასწორად თქვა, რა დროსაც ნანიკო ხაზარაძემ ტელეწამყვანს, თავში ხელი მსუბუქად დაარტყა და სახელი შეუსწორა. სოციალურ ქსელში წერდნენ, რომ სწორედ ეს ფაქტი გახდა, ხაზარაძის არაეთიკური ქცევა გახდა მისი არხიდან გაშვების ეთერში.
კომენტარებში ასევე წერდნენ, რომ ჯაჯანიძე ის სახეა, რომელია ნაცებსაც და ქოცებსაც უყვართ და შესაბამისად წამყვანის მიმართ, უამრავი მხარდამჭერი კომენტარები დაწერეს.
“წუხელ ჩამოვფრინდი საქართველოში, არცერთი კომენტარი არ მინახავს. მე და ნანიკო ვმეგობრობთ, ახლაც კარგი ურთიერთობა გვაქვს. ნანიკო არ გაუშვიათ, ის ვიდეოშიც ამბობს, რომ თავად წავიდა. რაც თქვენ ნახეთ, ის ვნახე მეც, ნანიკოს კომენტარი.
არავინ არ იცის, რა მდგომარეობაში სად რას გააკეთებს ადამიანი. მოხდა ფაქტი, შემეშალა სახელი და ნანიკოს ჰქონდა ეს რეაქცია. იქვე მითხრა, უკაცრავად, გეხუმრეო. ვუთხარი, რომ ხუმრობის დრო არ იყო და დამთავრდა. ღამე ვესაუბრეთ ერთმანეთს, ვუთხარი, კარგი რა, ნუ შემაწუხე იმით, რომ წუხხარ, რა იყო, თავი ხომ არ მოგიჭრია-მეთქი. თუ ვსაუბრობთ იმაზე, რომ ქრისტიანი ერი ვართ და მივუტევოთ ერთმანეთს, მოხდა ასე, ადამიანისთვის შემთხვევით ფეხი არ დაუბიჯებიათ, არ სტკენია? – მოხდა ასე, სპეციალურად ხომ არ უქნია.
