კიევში საპროტესტო აქციების კიდევ ერთი მონაწილე დაიღუპა.ინფორმაციას უკრაინული მედია ავრცელებს. ტელეკომპანია “ესპრესო ტვ”-ს ცნობით, აქტივისტი სავარაუდოდ, ცეცხლსასროლი იარაღით მიყენებული ჭრილობებისგან გარდაიცვალა. დაღუპულის ვინაობა ამ დრომდე უცნობია.
ინფორმაციას აქტივისტის დაღუპვის შესახებ ადასტურებენ მაიდანის სამედიცინო სამსახურის წარმომადგენლები.
ამასთან, გუშინ კიევის საავადმყოფოში კიდევ ერთი აქტივისტი გარდაიცვალა, იგი კიევის ”დინამოს” სტადიონთან, დემონსტრანტებსა და ძალოვნებს შორის მომხდარი შეტაკებების დროს მიღებული დაზიანებების შედეგად დაიღუპა.
22.01.14
