აშშ-ის ვიცე პრეზიდენტმა, ჯოზეფ ბაიდენმა უკრაინის პრეზიდენტ ვიქტორ იანუკოვიჩს მოუწოდა, უარი თქვას ქვეყანაში საგანგებო მდგომარეობის შემოღებაზე, რადგან ეს კიდევ უფრო გაამწვავებს სიტუაციას.
ამის შესახებ აშშ-ის ვიცე პრეზიდენტმა უკრაინის პირველ პირს სატელეფონო საუბრისას განუცხადა.
ამასთან, ჯოზეფ ბაიდენმა ვიქტორ იანუკოვიჩს კიევის ქუჩებიდან სპეცდანიშნულების რაზმის გაყვანისა და უკრაინელი ხალხის უკმაყოფილებაზე პასუხის გაცემისკენ მოუწოდა.
აშშ-ის ვიცე პრეზიდენტის განცხადებით, დაუშვებელია დროის დაკარგვა უკრაინის ხელისუფლებასა და დემონსტრანტებს შორის დაპირისპირების მშვიდობიანი გზით მოგვარების საკითხში.
ჯოზეფ ბაიდენსა და ვიქტორ იანუკოვიჩს შორის სატელეფონო საუბარი გასულ კვირასაც შედგა. ამასთან, აშშ არ გამორიცხავს უკრაინის წინააღმდეგ სანქციების დაწესებას, ძალადობის გაგრძელების შემთხვევაში.
28.01.14