ოპოზიცია მზად არის ქვეყანაში მიმდინარე მოვლენებზე პასუხისმგებლობა სრულად აიღოს და არა ნაწილობრივ. ამის შესახებ უკრაინული ოპოზიციის ერთ-ერთმა ლიდერმა , არსენი იაცენიუკმა ჟურნალისტებს განუცხადა.
მისივე თქმით, ოპოზიცია ამისთვის მზად არის, თუმცა დაუშვებლად მიიჩნევს ეს საკითხი “ვაჭრობის საგანი” გახდეს.
“ამისთვის არ დგას ხალხი მაიდანზე. მათი ძირითადი მიზანია ქვეყანაში ცვლილებები. პრემიერ-მინისტრის პოსტი არაფერი არ არის “, – განაცხადა იაცენიუკმა და აღნიშნა, რომ ოპოზიცია მზად არის მინისტრთა კაბინეტში სრული პასუხისმგებლობა აიღოს და არა ნაწილობრივი.
ამასთან, იაცენიუკი გამოეხმაურა უმრავლესობის წევრი დეპუტატების ულტიმატუმს, რომელიც მაიდანის დახურვას ეხება.
“ჩვენი პოლიტიკური ოპონენტები აყენებენ წინაპირობას, რომლის მიხედვითაც ამნისტიის ძალაში შესვლა მაიდანის დახურვის სანაცვლოდ განხორციელდება. ეს ჩვენთვის მიუღებელია”, -განაცხადა იაცენიუკმა.
29.01.14
