უკანონო მიყურადებისა და ფარული ჩანაწერების საკითხებზე მომუშავე დროებითი კომისია საზოგადოებას ანგარიშს 31 იანვარს წარუდგენს , – ამის შესახებ კომისიის დღევანდელი სხდომის შემდეგ პერსონალურ მონაცემთა დაცვის ინსპექტორმა თამარ ქალდანმა განაცხადა.
მისი თქმით, კომისიის მანდატი არ გაგრძელდება “31 იანვრამდე ჰქონდა კომისიას მოქმედების ვადა. ჩვენ ამ დროისთვის უნდა უზრუნველვყოთ ანგარიშის მომზადება, რაზეც ინტენსიური მუშაობა მიმდინარეობს”, – განაცხადა თამარ ქალდანმა.
ფარულ ჩანაწერებთან დაკავშირებით კომისია გასული წლის 14 ივნისს შეიქმნა, რომელსაც იმ დროინდელი შს მინისტრი ირაკლი ღარიბაშვილი ხელმძღვანელობდა. კომისიის შემადგენლობაში არიან როგორც არასამთავრობო სექტორის წარმომადგენლები, ასევე სახალხო დამცველი. კომისიის სხდომა შს სამინისტროში დღეს სამ საათზე დიდხანს მიმდინარეობდა.
ამასთან, დღევანდელ სხდომას ესწრებოდნენ: ლაშა ტუღუში, თეა წულუკიანი, კახი კახიშვილი, თამარ ქალდანი, ეკა გიგაური, უჩა ნანუაშვილი, ლევან იზორია, ალექსანდრე ჭიკაიძე, ირაკლი შოთაძე და სხვები.
29.01.14
