მედიაში გავრცელებულმა სხვადასხვა ინფორმაციმ, რომელიც საშაურმეებისა და ზოგადად, სწრაფი კვების ობიექტების იმიჯს ეჭვქვეშ აყენებდა, საზოგადოების განსაკუთრებული ყურადღება და ინტერესი გამოიწვია. ძალიან ბევრი ჭორ-მართალი გავრცელდა ამ თემის ირგვლივ, აღმოჩნდა, რომ ეს თემა განსაკუთრებულად სენსიტიური აღმოჩნდა ქართველი მომხმარებლებისთვის.
”თბილისი თაიმსი” დაინტერესდა ზოგადად რა მდგომარეობაა სწრაფი კვების რესტორნებში, რამდენად აისახა მედიაში გავრცელებული ინფორმაცია მომხარებელთა რაოდენობაზე, მოწმდება თუ არა სურსათი და აღნიშნული ობიექტები, ასევე აქვთ თუ არა მათ შესაბამისი სერთიფიკატები.
გამოიკითხა სწრაფი კვების 8 რესტორანი და საშურმე. აქედან 4 გამოკითხულ რესტორანში მედიაში ბოლო პერიოდში გავრცელებული ცნობების შემდეგ, მომხმარებელთა სიმცირე შეინიშნება, ხოლო 3 პირიქით – ზრდა, ერთ რესტორანში კი სურათი სტაბილურია. რესტორნები ძირითად კონკურენტად მაგდონალდს ასახელებენ. გამოკითხვამ აჩვენა ასევე ისიც, რომ ყველა გამოკითული რესტორანი თუ საშურმე გადის შემოწმებას.
გთავაზობთ ბლიც-გამოკითის შედეგებს:
„ნიკალა“: ფინანსურად წინა წელთან შედარებით გაყიდვებმა საგრძნობლად იკლო, ამ ფაქტს რამდენიმე მიზეზი აქვს, სწრაფი კვების ობიექტების იმიჯზე საგრძნობლად იმოქმედა მედიაში ბოლო დროს გავრცელებულმა ცნობებმა, ასევე მოსახლეობის ზოგადმა ეკონომიკურმა მდგომარეობამ. ნიკალას დღის განმავლობაში საკმაოდ ბევრი მომხმარებელი სტუმრობს, თუმცა კაფეს ფინანსურ მდგომარეობაზე დადებითად არ აისახება, რადგანაც მომხმარებლები ძირითადად შედარებით დაბალფასიან საკვებს იძენს. ნიკალას განსხვავებული ნიშა აქვს სწრაფი კვების ბაზარზე რადგანაც ის 167 დასახელების საკვებს სთავაზობს მომხმარებელს, ამიტომაც კონკურენციაზე ლაპარაკი გამიჭირდება, მაგრამ შემიძლია გითხრათ, რომ მთავარ კონკურენტი მაინც მაგდონალდსია. ნიკალას ძირითადად ქართველი მომხმარებელი სტუმრობს, უცხოელებიც ხშირად სარგებლობენ. სურსათის ეროვნული სააგენტო აწარმოებს ნიკალაში როგორც პროდუქტების, ასევე თვითონ ობიექტის შემოწმებას, ჩვენ ხმარებიდან ამოიღეს გაყინული პროდუქტები, ნახევრადფაბრიკატები და მხოლოდ ადგილობრივი წარმოების პროდუქციით ვსარგებლობთ, კომპანიას აქვს შესაბამისი დოკუმენტაცია და სერთიფიკატები“
„ელვის ამერიქან დაინერი“: „ გაყიდვები სტაბილურია და ამ კუთხით არაფერი შეცვლილა წინა წელთან შედარებით, არც მომხმარებლის სიმცირეს უჩივით, გამიჭირდება კონკურენტის დასახელება, რადგან ვთვლის რომ რომელიმე მძლავრ კონკურენციას გვიწევს ასეთი ობიექტი არ გვკვავს. „ელვის ამერიქან დაინერს“ თანაბრად სტუმრობენ როგორც ქართველები, ასევე უცხოელები. ელვისი მხოლოდ შესაბამისად შემოწმებულ პროდუქციას იყენებს საკვების დამზადებისას, ობიექტს კი სურსათის ეროვნული სააგენტო ამოწმებს. გვაქვს შესაბამისი სერთიფიკატები“.
„ტეხასური ქათამი“: „ახალი წლიდან გაყიდვებისა მომხმარებელის კლება შეინიშნება, ეს ჩვეულებრივი მოვლენაა და ყოველ წლის ამ პერიოდში ასეთი ტენდენცია შეინიშნება. მთავარ კონკურენტად რესტორნების ქსელი „მაგდონალდსი“ შემიძლია დავასახელო. „ტეხასურ ქათამს“ უცხოელი მომხმარებლები უფრო ხშირად სტუმრობენ, ვიდრე ქართველები. სწრაფი კვების რესტორანს ამოწმებს სურსათის ეროვნული სააგენტო, გვაქვს შესაბამისი სერთიფიკატები და კვლევების ჩატარების დამადასტურებელი დოკუმენტაცია“.
„გლდანის შაურმა“: „გაყიდვებისა და მომხმარებელთა სიმცირეს ვუჩივით, ბოლო ერთი თვეა ხალხი ნაკლებად დადის საშაურმეში, ამის მიზეზი კი მედიაში აგორებული სკანდალია. გავრცელებულმა ჭორ-მართალმა ძირი გამოუთხარა საშაურმეებს და ანტიპიარი გაუკეთა მათ, ჟურნალისტების მიერ ბოლო დღეებში ძალიან ბევრი გადაუმოწმებელი ინფორმაცია გაჟღერდა. კონკურენტად ნებისმიერ საშაურმეს განვიხილავთ თუმცა ავღნიშნავ, რომ სხვებთან შედარებით მათი ცნობადობა და რეიტინგი უფრო მაღალია. მომხმარებელთა შორისჩვენთან უცხოელები ჭარბობენ, ძირითადად კი ირანელები და ინდოელები, რომელთან ცხარე საკვები ხიბლავთ. საშაურმე მოწმდება ყოველთვიურად სურსათის ეროვნული სააგენტოს მიერ, ეს სამსახური ამოწმებს და გასცემს სერთიფიკატს ასევე იმ ხორცის რეალიზატორ ობიექტზეც, რომელიც ”გლდანის შაურმას” ამარაგებს. გვაქვს შესაბამისი დამადასტურებელი საბუთები“.
„ბიოშაურმა“: „ვუჩივით მომხმარებლებისა და გაყიდვების კლებას, აღნიშნულის მიზეზად ბოლო დროს პრესით და მედიით გავრცელებული ცნობებია და მითქმა-მოთქმა საშაურმეების ირგვლივ, რამაც ფინანსურად ძალიან დააზარალა ბიოშაურმ, ასევე იმიჯზეც უარყოფითად იმოქმედა. მომხმარებელთა შორის უცხოელები ჭარბობენ, რასაც საშაურმის მდებარეობით ვხსნით, ობიექტი ძველი თბილისის ტერიტორიაზე მდებარეობს, სადაც ტურისტები მრავლად არიან. გვამოწმებს სურსათის ეროვნული სააგენტო და რამდენიმე არასამთავრობო ორგანიზაცია, თუმცა მიჭირს, ვერ ვიხსენებ რომელი არასამთავრობო ორგანიზაცია იყო შემოწმებაზე მოსული. შემიძლია გითხრათ, რომ მედიაში გავრცელებული ინფორმაციების შემდეგ, უფრო ინტენსიურად დაიწყეს საშაურმის შემოწმება“.
„მაკშაურმა“: საგრძნობლად იკლო მომხმარებელთა რიცხვმა და გაყიდვებმა, ამის მიზეზია მედიით გავრცელებული, ვფიქრობ გადაუმოწმებელი ინფორმაციები შაურმის ირგვლივ. ჩვენს საშაურმეს თანაბრად სტუმრობს, როგორც ქართველი, ასევე უცხოელი მომხმარებელი. ობიექტს ამოწმებს სურსათის ეროვნული სააგენტო“.
„გურმეში“: „ მომხმარებელმა წინა წელთან შედარებით იმატა და გაყიდვებიც გაიზარდა, რასაც ცნობადობის გაზრდას ვუკავშირებთ. კაფეტერიას ქართველი მომხმარებელი უფრო ხშირად სტუმრობს, თუმცა დადიან უცხოელებიც, განსაკუთრებით კი ევროპელები, რაც აიხსნება იმით, რომ „გურმე“ მომხმარებელს ფრნაგულ საკონდიტრო ნაწარმს სთავაზობს. „გურმეს“ შემოწმება ყოველთვიურად ხდება და გარდა საკვებისა მოწმდება ასევე პერსონალისა და სამზარეულოს სისუფთავე და სანიტარული ნორმები, გვაქვს შემოწმების დამადასტურებელი დოკუმენტები და სელთიფიკატები“.
„ლემონგრასი“: „ლემონგრასის ცნობადობა თანდათან იზრდება რაც აღინიშნება გაყიდვებისა და მომხმარებლის მატებაზე. კონკურენტების დასახელება გამიჭირდება, რადგან, ვთვლი, რომ განსხვავებული პროფილი გვაქვს. „ლემონგრასს“ ქართველი და უცხოელი მომხმარებელი თანაბრად სტუმრობს, მენეჯერის განცხადებით აზიელი ტურისტები ძალიან ხშირად სარგებლობენ „ლემონგრასის“ მომსახურებით, სამზარეულოს სპეციფიურობიდან გამომდინარე (ტაილანდური სწრაფი კვების რესტორანი). რესტორანი ყოველთვიურად მოწმდება და აქვს შესაბამისი სერთიფიკატები“.
”თბილისი თაიმსი” დაუკავშიირდა „მაგდონალდს“ და ”ბურგერ კინგის” თუმცა მათ თავი აარიდეს ჩვენს შეკითვებს. ჩვენ ასევ ვეცადეთ დავკავშირებოდით სწრაფი კვების რესტორან „ორ ლულას“, თუმცა საიტზე მითითებული ყველა ნომერი მიუწვდომელი აღმოჩნდა.
30.01.14
ნინა პირტახია
Discussion about this post