გაერთიანებულ სამეფოში სისხლის სამართლის დანაშაულად ითვლება მკრეხელური, ღვთის მგმობი მასალის გამოქვეყნება. ასეთია მასალა, რომელიც წესიერების ფარგლების დარღვევით თავს ესხმის ქრისტიანული რელიგიის ან ღმერთის არსებობის ჭეშმარიტებას. 1991 წელს უმაღლესმა სასამართლომ გამოიტანა დადგენილება, რომ კანონი მკრეხელობის შესახებ იცავდა მხოლოდ ქრისტიანობას და არა რომელიმე სხვა რელიგიას.
გაერთიანებულ სამეფოში, კერძოდ ინგლისში ანგლიკანური ეკლესია სახელმწიფო ეკლესიად არის გამოცხადებული, ეკლესიის მეთაური, სავალდებულო წესით, თავად მონარქია (ამჟამად ინგლისის დედოფალი). ინგლისის ეკლესიას ჰყავს წარმომადგენლები ინგლისის პარლამენტში (ლორდთა პალატა), შესაბამისად მათ შეუძლიათ სახელმწიფო მნიშვნელობის საკანონმდებლო გადაწყვეტილების მიღების პროცესში უშუალო მონაწილეობა. ინგლისის ეკლესიის კანონმდებლობა სახელმწიფოსგან დისტანცირებული არ არის და იგი სახელმწიფო კანონმდებლობის განუყოფელი ნაწილია.
რა შეეხება სასკოლო განათლების რელიგიურ ასპექტებს. ინგლისში „ძირითადი სასწავლო პროგრამა“ მოიცავს რელიგიურ განათლებას ყველა მოსწავლისათვის. სასკოლო რელიგიური განათლების სასწავლო პროგრამის შედგენისას ინგლისის ეკლესიას სარგებლობს ვეტოს უფლებით. ანუ შეუძლებელია პროგრამაში ისეთი ნებისმიერი საკითხის, ან თეოლოგიური პოზიციის შეტანა, რომელსაც ანგლიკანური ეკლესია შეეწინააღმდეგება.
რელიგიური თვალსაზრისით მნიშვნელოვანია 1988 წელს მიღებული განათლების რეფორმირების აქტი, რომელიც სხვა მნიშვნელოვან საკითხებთან ერთად შეიცავს სახელმწიფო სკოლებში რელიგიური ღვთისმსახურების დებულებებს. თითოეულ სასწავლო დღეს ყველა მოსწავლე ვალდებულია მონაწილეობა მიიღოს კოლექტიური ღვთისმსახურების აქტში. მას უნდა ჰქონდეს „მთლიანად ან ძირითადად ქრისტიანული ხასიათი“.
რელიგიური თემატიკა აქტუალურია ბრიტანეთის საინფორმაციო საშუალებებისათვისაც. ბრიტანათის სამაუწყებლო კორპორაცია (BBC), საჯარო მაუწყებლობის ძირითადი წყარო,დიდი ხანია დაინტერესებულია რელიგიური გადაცემებით. მაგალითად ყოველ კვირა გადაიცემა დილის წირვა, აგრეტვე ტელევიზიასი არის რეგულარული რელიგიური პროგრამები.
06.02.14
წყარო: „სახელმწიფო და ეკლესია ევროკავშირის წევრ ქვეყნებში“ გერჰარდ რობერსი.
