19 საათის წინ
აშშ-ის კონგრესის წარმომადგენელთა პალატის ასიგნებების კომიტეტმა კანონპროექტი დაამტკიცა, რომელშიც საქართველოსთვის ფინანსური დახმარების გაწევის პირობებზეა საუბარი
19 საათის წინ
ერთიან ეროვნულ გამოცდებზე გასულ აბიტურიენტს კორონავირუსი დაუდასტურდა
19 საათის წინ
11 წლის გოგონამ ბავშვებისთვის 500 საბანი და 1100 პირბადე შეკერა
19 საათის წინ
სოფო კილაძე – საქართველოსა და აშშ-ის ურთიერთობა არის უმაღლეს ნიშნულზე, რაც გვქონია ბოლო წლების განმავლობაში
19 საათის წინ
საქართველოს პროკურატურა – ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით

1689944_617411778329953_327203145_nსაქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის “უკვდავთა თაღში”, მომღერლისა და საზოგადო მოღვაწის, პაატა ბურჭულაძის ხელის ანაბეჭდები გაიხსნა. 

ღონისძიება მისი იუბილეს ფარგლებში გაიმართა. საზეიმო ცერემონიალს ქართველი ცნობილი ხელოვანები და მთავრობის წევრები ესწრებოდნენ. პაატა ბურჭულაძის თქმით, მისთვის დიდი პატივია ელდარ შენგელაიას, ოთარ მეღვინეთუხუცესის, გივი ბერიკაშვილისა და კახი კავსაძის ხელის ანაბეჭდების გვერდით მისი ანაბეჭდების არსებობა.
“ძალიან ამაღელვებელი დღეა ჩემთვის. ავსტრიიდან ჩამოვიდა ჯილდო, კულტურის სამინისტროში მივიღე ჯილდო და ასევე დიდი პატივია ხელის ანაბეჭდებით, მითუმეტეს ოთარ მეღვინეთუხუცესის, გივი ბერიკაშვილის, კახი კავსაძისა და ელდარ შენგელაიას გვერდით. მადლობა ყველას, ვინც ამის ღირსად ჩამთვალა და ჩემთან ერთად გაიზიარა ეს დიდი სიყვარული”, – აღნიშნა ბურჭულაძემ.

საქართველოს კულტურის მინისტრის, გურამ ოდიშარიას თქმით, დღევანდელი დღე შესანიშნავი დღეა ყველასთვის.

“დღეს პაატა ბურჭულაძის დაბადების დღეა და ეს შესანიშნავი დღეა ჩვენთვის. წელი გამოვაცხადეთ ოპერის წლად და ძალიან კარგად დაგვებედა ეს დღე. გვქონდა პატივი, სამინისტროში მიგვეღო პაატა ბურჭულაძე თავის მეგობრებთან ერთად, ასევე გვესტუმრა ავსტრიის დელეგაცია, რომელმაც პაატა ბურჭულაძეს ავსტრიის სახელმწიფოს ერთ-ერთი უმაღლესი ჯილდო გადასცა. კულტურის სამინისტრო ასევე ხელდამშვენებული დავხვდით და ხელოვნების ქურუმის ჯილდო გადავეცით პაატა ბურჭულაძეს. დღეს ვართ ამ მუზეუმში, სადაც შესანიშნავი ტრადიცია ჩამოყალიბდა და ანაბეჭდებს ტოვებენ ჩვენი ქვეყნის დიდი შვილები. ბატონ პაატას ანაბეჭდიც დღეს აქ სამუდამოდ აისახება”, – აღნიშნა გურამ ოდიშარია.

თეატრის, მუსიკის, კინოსა და ქორეოგრაფიის სახელმწიფო მუზეუმის დირექტორის, გიორგი კალანდაძის თქმით კი, ანაბეჭდი გაიხსნა ნიშნად იმისა, რომ ვიდრე არსებობს ქართული სასცენო ხელოვნება, პაატა ბურჭულაძის დამსახურებასა და სახელის გარეშე წარმოუდგენელია ის.

“ეს არის სწორედ ის უკვდავება, რომელიც პაატა ბურჭულაძემ მოიპოვა”, – აღნიშნა კალანდიამ.

ხელოვნების სასახელში ანაბეჭდების გახსნის ტრადიციას ერთი წლის წინ ჩაეყარა საფუძველი. თაღში იმ ადამიანების ხელის ანაბეჭდები იქნება წარმოდგენილი, ვისაც განსაკუთრებული წვლილი მიუძღვის ქართული კულტურის განვითარებაში.
ამ ეტაპზე უკვე გახსნილია ელდარ შენგელაიას, ოთარ მეღვინეთუხუცესის, გივი ბერიკაშვილისა და კახი კავსაძის ხელის ანაბეჭდები.

12.02.14

 

 

Please follow and like us: