სტაბილური განვითარებისა და ეროვნული უსაფრთხოების მთავარ პრობლემად კიდევ რჩება დარღვეული ტერიტორიული და საზოგადიებრივი მთლიანობა , – ამის შესახებ საქართველოს პრეზიდენტმა, გიორგი მარგველაშვილმა პარლამენტში სიტყვით გამოსვლისას განაცხადა.
მისი თქმით, 2013 წლის მარტში პარლამენტმა მიიღო რეზოლუცია, რომლის მიხედვითაც ყველაზე მტკივნეული პრობლემები, ტერიტორიული მთლიანობის გადაწყვეტის, უნდა იყოს მოგვარებული მხოლოდ მშვიდობიანი გზით.
“ის, რომ ამ პრობლემის მოგვარება მხოლოდ მშვიდობიანი და დიპლომატიური გზით უნდა განხორციელდეს, უმნიშვნელოვანესია და ასევე უმნიშვნელოვანესია ამ კურსის უცვლელობა. ეს კურსი ეფუძნება სახელმწიფო სუვერენიტეტის, საზღვრების ურღვევობის, არაღიარების პოლიტიკის გაძლიერებისა და ქვეყნის დეოკუპაციის პრინციპებს”, – განაცხადა მარგველაშვილმა.
მისი თქმით, ამ კურსის გაგრძელების პროცესში ერთ-ერთი მთავარი თემა იქნება დევნილებისა და ლტოლვილების უპირობო, უსაფრთხო და ღირსეული დაბრუნება.
“უმნიშვნელოვანესია გაააქტიურდეს გაერო-ს და ეუთო-ს როლი ამ პროცესში და ეს ხალხი დაუბრუნდეს თავინთ საცხოვებელ ადგილებს”, – განაცხადა პრეზიდენტმა.
21.02.14
