აშშ-ის პრეზიდენტმა რუსი მაღალჩინოსნების წინააღმდეგ სანქციების დაწესების შესახებ ბრძანებას ხელი მოაწერა, – ამის შესახებ თეთრი სახლის ოფიციალური ვებგვერდი იუწყება.
თეთრი სახლის ინფორმაციით, უკრაინაში განხორციელებული ქმედებების გამო ბარაქ ობამამ ხელი მოაწერა რამდენიმე რუსი და უკრაინელი მაღალჩინოსნის აქტივების გაყინვის ბრძანებას.
როგორც თეთრი სახლის მიერ გავრცელებულ ინფორმაციაშია ნათქვამი, სანქციები დაუწესდა უკრაინის ყოფილ პრეზიდენტს ვიქტორ იანუკოვიჩს, ყირიმის ავტონომიური რესპუბლიკის მინისტრთა საბჭოს თავმჯდომარე სერგეი აქსიონოვს, ასევე რუს მაღალჩინოსნებს ლეონიდ სლუცკის, დიმიტრი როგოზინს, ვალენტინა მატვიენკოს, სერგეი გლაზევს და რამდენიმე სხვა რუს ოფიციალურ პირს.
18.03.14
