ამერიკელმა ფინანსისტმა დ მილიარდერმა ჯორჯ სოროსმა აშშ–ს ადმინისტრაციას შესთავაზა „ყველაზე მკაცრი“ საშუალება რუსეთის დასჯისათვის.
სოროსის შეფასებით, ყირიმთან დაკავშირებული მოვლენების გამო რუსეთის დასჯის ყველაზე მკაცრი ხერხი აშშ–ს სტრატეგიული სანავთობო მარაგების გახსნა და გაყიდვაა, რაც ნავთობის ფასს მკვეთრად დააგდებს.
ნავთობ–საგაზო გაყიდვებიდან მიღებული შემოსავალი რუსეთის ბიუჯეტის ნახევარს შეადგენს, შესაბამისად ნავთობის მკვეთრი გაიაფება რუსეთის სახელმწიფო ფინანსებს და ეკონომიკას მნიშვნელოვან და არსებით დარტყმას მიაყენებს.
აშშ–ის ნავთობის სტრატეგიული მარაგები 700 მლნ ბარელს შეადგენს რაც ამერიკის ენერგეტიკის სამინისტროს შეფასებით, ნავთობის შიდა მოხმარებას იმპორტის შეწყვეტის შემთხვევაში 75 დღის განმვლობაში უზრუნველყოფს.
გაიზიარებს თუ არა აშშ–ს ადმინისტრაცია ჯორჯ სოროსის რეკომენდაციას ჯერჯერობით უცნობია.
21.03.14