ამერიკის შეერთებულმა შტატებმა რუმინეთს შავი ზღვის ავიაბაზაზე სამხედრო კონტინგენტის გაზრდის უფლება სთხოვა. თხოვნა პენტაგონმა რუმინეთს ბრიუსელში, ნატო-ს საგარეო საქმეთა მინისტრების შეხვედრის შემდეგ გაუგზავნა.
ამ დროისთვის შავი ზღვის ავიაბაზაზე 1000-მდე ამერიკელი სამხედროა. პენტაგონი მათი რაოდენობის 1500-მდე გაზრდას, ასევე ბაზაზე სამხედრო ტექნიკის შეყვანის უფლებას ითხოვს.
ნატო-ს ინკოგნიტო მაღალჩინოსანზე დაყრდნობით, რუსული მედია წერს, რომ ეს ალიანსის გეგმის ნაწილია, რომელიც აღმოსავლეთ ევროპაში უსაფრთხოების გაძლიერებას ითვალისწინებს.
რუმინეთის კანონმდებლობის მიხედვით, საკითხი ჯერ ქვეყნის პარლამენტმა უნდა განიხილოს.
სამხედრო კონტინგენტის გაზრდა რუმინეთის პირველმა პირმა 27 მარტს ვაშინგტონს თავად შესთავაზა. საკუთარ ბაზას ნატო-ს სამხედრო საჰაერო თავდაცვის ძალების განსათავსებლად ესტონეთიც სთავაზობს.
02.04.14
