საქართველოს პრემიერ-მინისტრ ირაკლი ღარიბაშვილსა და საკონსტიტუციო სასამართლოს თავმჯდომარე გიორგი პაპუაშვილს შორის შეხვედრა დასრულდა.
როგორც პრემიერ-მინისტრმა შეხვედრის შემდეგ ჟურნალისტებთან საუბრისას განაცხადა, ხელისუფლების მთავარი მიდგომაა, მოხდეს ინსტიტუციების გაძლიერება. მისივე თქმით, უზრუნველყოფილი უნდა იყოს სასამართლოს დამოუკიდებლობა და თავისუფლება.
“მინდა აღვნიშნო, რომ ძალიან კარგი და ნაყოფიერი შეხვედრა მქონდა ბატონ გიორგისთან და საკონსტიტუციო საქართველოს წევრებთან. მინდა, ხაზგასმით აღვნიშნო და გავიმეორო, რომ ჩვენი ხელისუფლების მთავარი მიდგომაა, მოხდეს ინსტიტუციების გაძლიერება და უზრუნველვყოთ სასამართლოს დამოუკიდებლობა, თავისუფელება. სწორედ ამ საკითხებზე ვისაუბრეთ. ვფიქრობ, რომ ასეთი მიდგომა ერთადერთი სწორი და ჯანსაღი მიდგომაა ხელისუფლების მხრიდან”, – აღნიშნა ირაკლი ღარიბაშვილმა.
ბათუმში, საკონსტიტუციო სასამართლოს შენობაში გამართულ შეხვედრას ესწრებოდნენ საკონსტიტუციო სასამართლოს წევრები.
დღესვე, პრემიერ-მინისტრი აჭარაში შეხვედრებს გააგრძელებს და, აჭარის მთავრობის თავმჯდომარე არჩილ ხაბაძესთან ერთად რეგიონში მიმდინარე საკითხებს გაეცნობა, შემდეგ კი საზღვაო აკადემიის სტუდენტებს შეხვდება.
03.04.14
