საპარლამენტო უმცირესობის წევრს მიხეილ მაჭავარიანს პროკურატურის მიერ შალვა თათუხაშვილის საქმის გამოძიების არ სჯერა.
როგორც ჟურნალისტებს მაჭავარიანმა განუცხადა, პროკურატურა ვერ გამოიძიებს იმ ფაქტებს, რომელიც გამოძიების პერიოდშია ჩადენილი.
,,ერთი თვის განმავლობაში იყო საუბარი, რომ მიდიოდა ზეწოლა ამ ადამიანზე. ჩვენ როდესაც მოვითხოვეთ ვანო მერაბიშვილის ციხიდან გაყვანის კადრები, აღმოჩნდა, რომ კადრები წაშლილი იყო. ახლა როდესაც მათ დასჭირდათ, კადრები არის. თათუხაშვილის საქმეში ბევრი შეუსაბამო გარემოებებია. კერძოდ ის, რომ ადამიანმა მოწმეთა დაცვის პროგრამით სარგებლობა მოითხოვა და შემდეგ კი გაიქცა”, – აღნიშნა მაჭავარიანმა.
გუშინ პროკურატურამ შალვა თათუხაშვილის გარდაცვალების მიზეზების დასადგენად დაწყებული გამოძიების საქმეში არსებულ გარემოებები გაასაჯაროვა. შალვა თათუხაშვილი პროკურატურის მოწმე იყო დათა ახალაიას, კერძოდ, ე.წ. ნავთლუღის სპეცოპერაციის საქმეზე. მისი გარდაცვალების შესახებ ინფორმაცია 24 მარტს გავრცელდა.
03.04.14
