სომხეთის პრემიერ-მინისტრი ტიგრან სარქისიანი პირადი განცხადების საფუძველზე, თანამდებობიდან გადადგა.
news.am-ის ინფორმაციით, ამის შესახებ გუშინ, მმართველი რესპუბლიკური პარტიის აღმასრულებელი ორგანოს სხდომის შემდეგ, ჟურნალისტებს პარლამენტის ვიცესპიკერმა ედუარდ შარმაზანოვმა განუცხადა.
მისი თქმით, პრემიერმინისტრმა გადადგომის შესახებ განცხადება ერთი თვის წინ წარმოადგინა, თუმცა იმ საკითხების გათვალისწინებით, რაც საბაჟო კავშირში გაწევრიანებას უკავშირდება, პრეზიდენტმა სერჟ სარგსიანმა პრემიერს ერთი თვით მოცდა სთხოვა.
შარმაზანოვის თქმით, პრემიერმინისტრის განცხადება გადადგომის თაობაზე უკვე დაკმაყოფილებულია.
04.04.14
