შინაგან საქმეთა სამინისტროს სპეციალური ოპერატიული დეპარტამენტის ყოფილ დირექტორზე, ერეკლე კოდუაზე ინტერპოლმა ძებნა გამოაცხადა. შესაბამისი ინფორმაცია ინტერპოლის ოფიციალური ვებგვერდზე განთავსდა.
როგორც ინტერპოლის მიერ გავრცელებულ ინფორმაციაშია აღნიშნული, ერეკლე კოდუა საქართველოს სასამართლო ორგანოების მიერ იძებნება და მას ბრალი ედება თანამდებობრივი უფლებამოსილების გადამატებასა და თაღლითობაში.
მთავარმა პროკურატურამ ერეკლე კოდუას ბრალი რამდენიმე კვირის წინ წაუყენა. ბრალის დამტკიცების შემთხვევაში მას 9-წლამდე ვადით თავისუფლების აღკვეთა ემუქრება.
ერეკლე კოდუა ამჟამად საქართველოში არ იმყოფება.
07.04.14
Discussion about this post