რუსეთის ნებისმიერ მცდელობას, უკრაინაში ვითარების დესტაბილიზაცია მოახდინოს რუსეთისთვის დამატებითი საფასური ექნება. ამის შესახებ აშშ-ის სახელმწიფო დეპარტამენტის მდივანმა, ჯონ ქერიმ რუსეთის საგარეო საქმეთა მინისტრ, სერგეი ლავროვთან სატელეფონო საუბრისას განაცხადა.
როგორც აშშ-ის სახელმწიფო დეპარტამენტის პრესმდივანმა, ჯენ ფსაკიმ ბრიფინგზე განაცხადა, სერგეი ლავროვთან სატელეფონო საუბრისას, სახელმწიფო მდივანმა აღნიშნა, რომ აშშ შეშფოთებით ადევნებს თვალს აღმოსავლეთ უკრაინის ქალაქებში მიმდინარე მოვლენებს.
ჯენ ფსაკის განცხადებით, მხარეებმა ასევე განიხილეს უახლოესი 10 დღის განმავლობაში უკრაინას, რუსეთს, აშშ-სა და ევროკავშირს შორის პირდაპირი დიალოგის გამართვის საკითხი, უკრაინაში შექმნილი კრიზისის დეესკალაციის მიზნით.
რუსეთის საგარეო საქმეთა სამინისტროს მიერ გავრცელებული განცხადებით კი, სერგეი ლავროვმა აშშ-ის სახელმწიფო მდივანთან საუბრისას კიდევ ერთხელ გაუსვა ხაზი უკრაინის ფედერალიზაციის საკითხის მნიშვნელობას.
08.04.14
