9 აპრილის ტრაგედიის 25 წლისთავთან დაკავშირებით, საქართველოს სამთავრობო უწყებების Facebook-ის ოფიციალურ გვერდებზე მთავარი ფოტოები შეიცვალა.
პრემიერ-მინისტრის პრესსამსახურის ინფორმაციით, საქართველოს მთავრობა ამ ფორმით, სიმბოლურად, კიდევ ერთხელ პატივს მიაგებს დაღუპულთა ხსოვნას.
“9 აპრილის ღამეს, ტრაგედიის 25 წლის თავზე, ზუსტად იმ დროს, როდესაც პარლმენტის შენობასთან მშვიდობიანი საპროტესტო აქცია დაარბიეს, საქართველოს სამთავრობო უწყებების Facebook-ის ოფიციალურ გვერდებზე მთავარი ფოტოები შეიცვალა.
საქართველოს მთავრობა ამ ფორმით, სიმბოლურად, კიდევ ერთხელ პატივს მიაგებს იმ ადამიანთა ხსოვნას, რომლებიც აქციის დარბევის შედეგად დაიღუპნენ. 9 აპრილის ტრაგედიას 21 ადამიანის სიცოცხლე შეეწირა”, – ნათქვამია პრემიერი-მინისტრის პრესსამსახურის მიერ გავრცელებულ განცხადებაში.
09.04.14
