“ჩვენ მივიღეთ გერმანელი კოლეგებისგან სრული მხარდაჭერა ქვეყნის ევროპული ინტეგრაციის კუთხით და გარანტია, რომ ასოცირებისშესახებ შეთანხმებას ხელი ივნისში მოეწერება” აღნიშნა მაია ფანჯიკიძემ, რომელმაც გერმანიის ფედერაციულ რესპუბლიკაში სამუშაო ვიზიტი დაასრულა.
მინისტრის განცხადებით, ის, რომ უახლოეს მომავალში საქართველოს გერმანიის საგარეო საქმეთა მინისტრი შტაინმაიერი ეწვევა, ხოლოივნისში იგეგმება საქართველოს პრემიერის სტუმრობა გერმანიაში არის ორ ქვეყანას შორის ბოლო პერიოდში აქტიური და მჭიდრო პოლიტიკური თანამშრომლობის შედეგი.
ვიზიტის ფარგლებში ბოლო შეხვედრა მინისტრმა გამართა გერმანიის ფედერაციულ პარლამენტში-ბუნდესტაგში სამხრეთ კავკასიასთან მეგობრობის ჯგუფის ხელმძღვანელთან კარინ შტრენცთან. შეხვედრაზე გერმანია-საქართველოს ურთიერთობები, ქვეყნებს შორის საპარლამენტო თანამშრომლობის განვითარების საკითხები და საქართველოს ევროინტეგრაციის პროცესთან დაკავშირებული თემებიგანიხილეს. როგორც შეხვედრის დასრულების შემდეგ კარენ შტრენცმა აღნიშნა მეგობრობის საპარლამენტო ჯგუფი შეეცდება მკაფიო გზავნილები დააფიქსიროს საქართველოს ევროპულ ინტეგრაციასთან დაკავშირებით.
“ჩემთვის დიდი პატივია ვხელმძღვანელობდე მეგობრობის ჯგუფს, განსაკუთრებით კი ამ საინტერესო პირობებში. აღნიშნული ჯგუფი მკაფიოგზავნილებით, დიპლომატიის მეშვეობითა და კეთილი ნებით მზად იქნება ანახოს საზოგადოებას, რომ ევროპა არის ურთიერთთანხმობასა დასტაბილურობაზე დაფუძნებული ერთობა, რომელიც ყველას, ვინც იზიარებს ამ ფასეულობებს და იდენტობას, იწვევს თავისთან. მე იმედიმაქვს, რომ ჩვენ შევძლებთ ამ სიგნალების მიცემას, “-განაცხადა კარენ შტრენცმა.
მაია ფანჯიკიძე გერმანიას 10 – 11 აპრილს სტუმრობდა. ვიზიტის ფარგლებში მინისტრი გერმანელ კოლეგას შეხვდა. მან ასევე შეხვედრაგამართა ფედერალური კანცლერის მრჩეველთან საგარეო და უსაფრთხოების საკითხებში. სამუშაო ვიზიტის ფარგლებში მაია ფანჯიკიძებუნდესტაგის საგარეო ურთიერთობათა კომიტეტის თავმჯდომარეს შეხვდა.
მინისტრმა მონაწილეობა მიიღო ფრიდრიხ ებერტის ფონდის მიერორგანიზებულ ღონისძიებაში და სიტყვით გამოვიდა “Hertie school governance”-ში. მაია ფანჯიკიძემ ინტერვიუები მისცა წამყვან გერმანულ მედიასაშუალებებს.
11.04.14
