საერთაშორისო სავალუტო ფონდის აღმასრულებელმა საბჭომ უკრაინისთვის 17 მილიარდი დოლარის გამოყოფის პროგრამა დაამტკიცა. ამის შესახებ უკრაინული მედია იუწყება.
“უკრაინსკაია პრავდას” ინფორმაციით, ფინანსური მხარდამჭერი პროგრამის stand-by-ის ფარგლებში, უკრაინას პირველ ეტაპზე სასწრაფო წესით გამოეყოფა 3,190 მილიარდი დოლარი.
“მთავრობის ეკონომიკური პროგრამა ფონდის დახმარებით მიმართულია მაკროეკონომიკური სტაბილურობის აღდგენისა და ეკონომიკური მართვისა და გამჭვირვალობის აღდგენისკენ”, – ნათქვამია საერთაშორისო სავალუტო ფონდის აღმასრულებელი საბჭოს განცხადებაში.
ამასთან, უკრაინის ფინანსთა მინისტრის ალექსანდრე შლაპაკას განცხადებით, პირველ ტრანშს უკრაინა სავარაუდოდ 5-8 მაისისთვის მიიღებს.
01.05.14
