საქართველოს პრეზიდენტი გიორგი მარგველაშვილი დღეს თურქეთისა და აზერბაიჯანელ კოლეგებს უმასპინძლებს.
გიორგი მარგველაშვილი, თურქეთისა და აზერბაიჯანის პრეზიდენტებთან, აბდუალი გიულისთან და ილჰამ ალიევთან ერთად, საქართველოს ეროვნულ ბიბლიოთეკაში “თბილისის სამიტ 2014”-ს გახსნის.
სამიტზე ქვეყნებს შორის ბოლო 20 წლის განმავლობაში ეკონომიკური, სავაჭრო, სატრანსპორტო და ენერგეტიკული თანამშრომლობის შედეგებს განიხილავენ.
სამივე ქვეყნის დელეგაციის წარმომადგენლები მიმდინარე და დაგეგმილი პროექტების განხორციელების შესახებაც იმსჯელებენ. სამიტის ფარგლებში დაგეგმილია პრეზიდენტების სამმხრივი და ორმხრივი შეხვედრები.
“თბილისის სამიტი 2014” საქართველოს პრეზიდენტის თურქეთსა და აზერბაიჯანში ვიზიტებისას დაიგეგმა.
ამასთან, როგორც ჟურნალისტებს საქართველოს ეკონომიკისა და მდგრადი განვითარების მინისტრმა, ვიცე პრემიერმა, გიორგი კვირიკაშვილმა განუცხადა, სამიტი არის იდევ ერთხელ ხაზგასმა იმისა, რომ საქართვლო-აზერბაიჯან-თურქეთს ერთმანეთთან სტრატეგიული ურთიერთობა აქვთ.
“ეს ურთიერთობა ძალიან ბევრ სფეროზე ვრცელდება, დაწყებული ორმხრივი ვაჭრობით, საინვესტიციო და სატრანსპორტო სფეროში ურთიერთობით დასრულებული. ასევე ენერგეტიკის მიმართულებით არის ბევრი პროექტი – ესაა “შაჰდენიზი 2″, ბაქო-თბილისი-ყარსის რკინიგზა და სხვა”, – განაცხადა გიორგი კვირკაშვილმა.
06.05.14
