აშშ-ს ფინანსთა სამინისტრომ უკრაინის კონფლიქტთან დაკავშირებით რუსეთის FATCA-სთან მიერთებაზე მოლაპარაკებები შეაჩერა. ამის შესახებ განცხადება გააკეთა აშშ-ის ფინანსთა მინისტრის თანაშემწემ დენიელ გლეიზერმა.
„ფინანსთა სამინისტრო არ გეგმავს რუსეთთან მოლაპარაკებების განახლებას“ – აღნიშნა ამერიკელმა მაღალჩინოსანმა სენატის მოსმენაზე სიტყვით გამოსვლისას.
კანონი უცხოური ანგარიშების კონტროლის შესახებ (FATCA – Foreign Account Tax Compliance Act) ), 2015 წლის 31 მარტიდან მთელი მსოფლიოს მასშტაბით ბანკებსა და ფინანსურ ორგანიზაციებს ავალდებულებს აშშ-ის შიდა შემოსავლების სამსახურს (IRS) მიაწოდოს ინფორმაცია ამერიკელი გადამხდელების საბანკო ანგარიშების შესახებ. კანონი მიზნად ისახავს აღკვეთოს გადასახადებისაგან თავის არიდება. კანონი 2014 წლის 1 ივლისიდან ამოქმედდება.
Associated Press-ის ცნობით, უცხორი ანგარიშების კონტროლის კანონი გაცილებით მტკივნეული იქნება რუსეთის ეკონომიკისათვის ვიდრე უკრაინის კრიზისთან დაკავშირებით დაწესებული სანქციები, რადგან კანონი რუსულ ბანკებს დიდ პრობლემებს შეუქმნის.
Morgan Lewis-ის მოსკოვური ოფისის მმართველი ბრაიან ზიმბლერის განმარტებით, აშშ-ის ფინანსთა სამინისტროს სანქციები მხოლოდ გარკვეულ ორგანიზაციებს ეხება, როდესაც ახალი საგადასახადო სისტემა ფინანსური ბაზრის ყველა მონაწილეს შეეხება.
რუსული „სბერბანკის“ ერთ-ერთი ტოპ-მენეჯერის ბელა ზლატკისის განცხადებით, რუსულ ბანკებს ურთულესი პრობლემები შეექმნებათ. „ჩვენ მოგვიწევს ან დოლარებში ანგარიშწორებაზე უარის თქმა, ან ჩვენი რისკის ფასად უმერიკულ ხელისუფლებას უნდა მივაწოდოთ ანგარიშები“ – განაცხადა ბანკირმა.
07.05.14
