“რუსთავი 2”-ის საკითხზე გამოძიება არის მნიშვნელოვანი, თუმცა ბუნებრივია, ტელეკომპანიასაც აქვს პასუხისმგებლობა ითანამშრომლოს გამოძიებასთან და მისცეს ჩვენება, თუნდაც ვისგან აქვს ეს ინფორმაცია მიღებული, – ამის შესახებ პარლამენტის სპიკერმა, მანანა კობახიძემ ჟურნალისტებს განუცხადა.
მისი თქმით, ეფექტური გამოძიებისთვის არსებითია “რუსთავი 2”-მა, როგორც დაზარალებულმა მხარემ, თავისი ვალდებულებები შეასრულოს, რაც ეკისრება სისხლის სამართლის საპროცესო კოდექსით. კითხვაზე, მედიას შეუძლია წყარო არ დაასახელოს, მანანა კობახიძემ განმარტა, რომ მედიას შეუძლია არ დაასახელოს სამოქალაქო კანონმდებლობით, მაგრამ სისხლის სამართლის საპროცესო კოდექსით, როგორც დაზარალებული თუ მოწმე, ვალდებულია ყველა ინფორმაცია მისცეს გამოძიებას, რაც მის ხელთ არსებობს.
“თუ დამალავს ამ ინფორმაციას, გამოძიება სწრაფი და ეფექტური ვერ იქნება”, – განაცხადა მანანა კობახიძემ.
ტელეკომპანია “რუსთავი 2”-ის ხელმძღვანელობამ 6 მაისს პრესკონფერენცია გამართა და განაცხადა, რომ აღმოჩენელია ვიდეომასალა, სადაც ნიკა გვარამიასა და ნინო შუბლაძეს საუბრებია აღბეჭდილი. ნიკა გვარამიამ ინფორმაციის წყაროს შსს დაასახელა.
ტელეკომპანიის განცხადების საფუძველზე მთავარმა პროკურატურამ გამოძიება დაიწყო.
07.05.14
