ეკონომიკა ორგვარ როლს ასრულებს თავისუფალი საზოგადოების განვითარებაში. ერთის მხრივ, ეკონომიკური თავისუფლება თავად არის საზოგადოების თავისუფლების შემადგენელი ნაწილი და მეორეს მხრივ, ეკონომიკური თავისუფლება – პოლიტიკური თავისუფლების მიღწევის აუცილებელი საშუალებაა. ამიტომ, არის, რომ დღესდღეობის ეკონომიკისა და საჯარო პოლიტიკას შორის არსებულ მჭიდრო კავშირზე უფრო ხშირად საუბრობენ,ვიდრე მარტო პოლიტიკურ თავისუფლებაზე, როგორც ქვეყნის წარმატების ერთ-ერთ მთავარ განმსაზღვრელ ფაქტორზე. რეალურად, უნდა ითქვას,რომ საჯარო პოლიტიკის ეს მოდელი , დღესდღეობით, კარგად მუშაობს განვითარებად დემოკრატიულ ქვეყნებში. მათ შორის ინდოეთშიც, რომელშიც მიმდინარე დემოკრატიულ პროცესებზე მსოფლიო ხმამაღლა საუბრობს. ეს საუბარი შიშსაც შეიცავს , ვინაიდან ჩინეთთან ერთად ინდოეთის ეკონომიკა საკმაოდ იზრდება, შიდა ინვესტიციებისა და თავისუფალი მუშახელის რაოდენობით.
ინდოეთში საყოველთაო არჩევნების ჩატარებამდე ეგზიტპოლის შედეგები გახდა ცნობილი, რომლის თანახმადაც ნარენდა მოდია ბარატიას პარტიას (BJP) უწინასწარმეტყველებენ გამარჯვებას. ეგზიტპოლის შედეგებთან ერთად ვარაუდობენ ასევე ინდური საფონდო ბაზრების რეკორდულ გაზრდასაც, რასაც თავის მხრივ, უკავშირებენ არჩევნების მოახლოებას.
ერთი კვირის განმავლობაში ინდოეთის ძირითადი საფონდო ინდექსი, სენსიქსი გაიზარდა 1.7%–ით და 23, 941.32 ქულას მიაღწია. ისმის კითხვა თუ რა კავშირშია ინდოეთის ეკონომიკის გაზრდა და გაძლიერება არჩევნებსა და მის შედეგებზე, ამაზე პასუხი მარტივია. მაგალითისთვის, BJP-ს პარტიას მნიშნელოვანი კავშირები აქვს ევროპის ქვეყნებთან და ინვესტორები იმედოვნებენ,რომ სწორედ ეს პარტია გაიმარჯვებს და მათ მიეცემათ ინდოეთში თავისუფალი , მოგებაზე 100%–ით ორიენტირებული ინვესტიციების ჩადება.
თუმცა, ინდოეთი ცნობილია,როგორც „არასწორი ეგზიტპოლის შედეგების“ ქვეყანასა, სადაც ქვეყნის ტერიტორიული სიდიდისა და ელექტორატის რაოდენობის გამო, ბოლო ორ არჩევნებში არასწორად უწინასწარმეტყველეს რამდენიმე პარტიას გამარჯვება.
BJP- პარტია თავისი კამპანიის განმავლობაში დიდ ყურადღებას ამახვილებდა ეკონომიკურ საკითხებზე, ისინი სხვადასხვა დებატებში აცხადებდნენ,რომ ინდოეთს აქვს მზარდი ეკონომიკა და შეუძლია რომ მსოფლიო ხუთეულში მოწინავე ადგილი დაიკავოს, მას ხელშეწყობა უნდა. სახელმწიფოში კი ეკონომიკური მდგომარეობის გაუმჯობესება მეტწილად დამოკიდებულია პოლიტიკურ მდგომარეობაზეც. ეკონომიკური მდგომარეობის გაუმჯობესებისათვის მათ მთავარ პრიორიტეტად ინვესტიციები მიაჩნიათ.
თუმცა, ინდოეთში ანალიტიკოსები საკმაოდ მწვავე განცხადებებით გამოირჩევიან BJP პარტიის მიმართ, მათი აზრით ამ პარტიის დაპირებები არარეალურია,რადგან ეს დაპირებები სტრატერგიული თვალსაზრისით, შეუსრულებელ მისიებს ისახავს მიზნად და ვერ შეცვლის ინვესტიციების ზრდას ქვეყანაში. კრიტიკოსების საპასუხოდ კი აცხადებენ,რომ საქმის წარმატება პარტიის დაპირებებში კი არა თავად პარტიაშია.
დავით კუომ, ინდოეთში ერთ-ერთი ცნობილი ფინანსური საკონსულტაციო ფირმის დირეკქტორმა BBC-ის განუცხადა,რომ – „ ინვესტორთა წრე, BJP -ს პარტია და მათი მოკავშირეები მიიღებენ მაჟორიტარულ მანდატს, რომელიც ნიშნავს იმას,რომ ისინი არ იქნებიან შეზღუდულნი ძირითადი რეფორმების განხორციელების პროცესში პატარა რეგიონალური მოკავშირეებისგან, ამ პარტიის ძირითადი წარმატება მათი ლიდერი ნარენდა მოდია, რომელიც საკმაოდ არის ჩახედული საშინაო ინვესტიციებსა და ბიზნესის სფეროში.დღესდღეობით, ინდოეთი კლასიკური ქვეყანაა, იმის რომ როგორც ხელისუფლების, ასევე მისი საგარეო ორიენტაციის შეცვლა ცვლის ქვეყნის შიდა ინვესტიციებსაც“ – განაცხადა კუომ.
14.05 14
ნათია კეკენაძე
