”სი-ენ-ენ”-ის ცნობით, თურქეთის ქალაქ სომაში, მაღაროში მომხდარ აფეთქებასთან დაკავშირებით ოთხი ადამიანი დააკავეს. ესენი არიან კომპანია ”სომას ქვანახშირის მაღაროს” მენეჯერი აკინ სელიკი, ინჟინრები იალჩინ ერდოღანი და ერთან ერსოა, ასევე უსაფრთხოების ხელმძღვანელი იასინ კურნაზი.
სამაშაბათს მომხდარი აფეთქების შემდეგ მაღაროში ჩარჩენილების ძებნა შაბათს დასრულდა. 13 მაისს მომხდარ აფეთქებას, ბოლო მონაცემებით, 301 ადამიანი ემსხვერპლა. აფეთქების შემდეგ მომხდარზე მთავრობის რეაქცია თურქეთის რამდენიმე ქალაქში გააპროტესტეს.
ქალაქ სომაში პოლიციამ დემონსტრანების წინააღმდეგ რეზინის ტყვიები და ცრემლსადენი გაზიც გამოიყენა. დემონსტრანტები მაღაროს მფლობელებს, მოგების მიზნით, უსაფრთხოების ნორმების იგნორირებაში სდებენ ბრალს.
19.05.14
