წინ ცხელი ზაფხული გველოდება, ამაზე გაზაფხულის ბოლო დღეც ამეტყველდა. თუ ვინმემ გუშინ შემთხვევით და დაუგეგმავად გაიარეთ რუსთაველისა და თავისუფლების მიმდებარე ტერიტორიაზე კარგად შეიგრძნობდით ტემპერატურისა და გრძნობების დუღილს, რომლითაც შეპყრობილი იყო იქ მყოფი ყველა. ისედაც მზიან დღეს უფრო მცხუნვარეს ხდიდა ქუჩაში აჟღერებული მუსიკა და მის გარშემო შემოკრებილი ადამიანები. თბილისში ქუჩის მუსიკის დღე გაიმართა, რომელშიც 90 – ჯგუფი და 50 – სოლო მომღერალი მონაწილეობდა, ისინი თითქმის მთელი დღის განმავლობაში უკარვდნენ და დამსწერე საზოგადოებას აცნობდნენ საკუთარ შემოქმედებას, თუმცა როგორც ყველგან ასევე ჩვენს ქვეყანაშიც ყველა სხვადასხვაგვარად აღიქვამს მუსიკას, ამის დასტურად ისიც კმარა, რომ როდესაც რუსთაველის მეტროს წინ ერთნი ცდილობდნენ მუსიკით კიდევ მაღლა აეწიათ ტემპერატურა, მეორენი იქვე ფანტანში ბანაობით იგრილებდნენ თავს. ჩვენთან ქუჩის მუსიკის დღე, უკვე მესამედ ჩატარდა, მისი ორგანიზატორი არასამთავრობო ორგანიზაცია „დრონი“ გახლავთ. 
როგორც ორგანიზატორები აღნიშნავენ პირველად ეს პროექტი ვილნიუსში ჩატარდა, ქუჩის დღეები ემსახურება სხვადასხვა ჟანრის მუსიკის, ჯგუფების თუ სოლო მომღერლების პოპულარიზაციას, რომელსაც საზოგადოება ჯერ არ იცნობს და რომელთაც რეალიზაციის ნაკლები საშუალება აქვთ, არასამთავრობო ორგანიზაცია „დრონი“ კი, ცდილობს ყოველწლიურად უფრო მასშტაბური გახადოს ეს პროექტი რათა შემსრულებლებმა უფრო მეტი მსმენელი მიიზოდონ.
თბილისის ქუჩებში „თბილისი თაიმსი“ რამდენიმე ჯგუფს და სოლო მომღერალს გაესაუბრა. აღსანიშანავია ის ფქაქტი, რომ შემსრულებლები ფინანსურ მოგებას არ ღებულობენ და როგორც თვითონ აღნიშნავენ მხოლოდ მუსიკის პოპულარიზაციისთვის არიან ქუჩაში გამოსულები.
New Band:
„ჩვენ ვართ ჯგუფი “New band” ბათუმიდან, ეს ჯგუფი შეიქმნა 2013 წლის დეკემბრიდან, ბათუმში იმართება სხვადასვა „ივენთები“ და სწორედ იქ ვუკრავთ უფრო ხშირად. თბილისში წელს პირველად ვიღებთ ქუჩის დღეებში მონაწილეობას, შარშან კი ჩვენც მოვაწყვეთ ბათუმში მსგავსი ღონისძიება. რაც შეეხება ხალხის დამოკიდებულიებას, როგორც ყოველთვის საქართველოა, განსხვავებულ სახეებს ხედავენ, ხანდახან უკვირთ, მოსმენის შემდეგ კი ზოგს მოწონს ზოგს არა, ასე რომ ვთქვათ სხვადასხვაგვარი დამოკიდებულებაა, მაგრამ რაც უფრო მეტად გვიცნობენ უფრო ნაკლები აგრესია მოდის. ქუჩის დღეებიც ხომ საზოგადოებაში ცოცხალი მუსიკის მასიურად ინეტეგრაციას ემახურება. ჩვენი ჯგუფი უკრავს როკ მუსიკას, ნელ-ნელა ჩვენს ქვეყანაში მუსიკა ვითარდება, მაგრამ სამწუხაროდ არ არის დაფასება შესაბამისი სტრუქტურებიდან. ჩვენთვის კი მუსიკა ყველაფერია, გვითხრეს რომ ქუჩის დღეები იმართებოდა და ასე ექსპრომტად ჩამოვედით თბილისში, არაფერი არ წამოგვიღია მათ შორის ფულიც, ვფიქრობ ამით ყველაფერი ნათქვამია.“
Might Noice:
„ჩვენი ჯგუფი შეიქმნა სპეციალურად ამ დღისთვის, რათა პოპულარიზაცია გავუწიოთ როკ მუსიკას, უმრავლესობა თვლის, რომ როკი სატანისტურია და ჩვენ გვინდა დავამტკიცოთ, რომ ეს ასე არაა. როკი არ არის სატანიზმი აქ არის ტექსტები, რომლებიც გვინდა, რომ მსმენელმა გაიგოს, მე შარშანაც ვიღებდი ქუჩის მუსიკის დღეებში მონაწილეობას და წელს ვხედავ, რომ საზოგადოების დაინტერესება გაცილებით დიდია და ვიმედოვნებ, რომ ეს ინტერესი კიდევ უფრო და უფრო გაიზრდება.“ სანდრო ტუღუში: „წელს პირველად ვიღებ ქუჩის დღეებში მონაწილეობას, ცოტა ჩვენ მხარეს ტექნიკური ხარვეზებია, ჯერ მე არ გამოვსულვარ, მაგრამ ძირითადად რაც მოვისმინე კმაყოფილი ვარ. მე Rock, Folk-Rock ვასრულებ და ქუჩის დღეები პირველრიგში მე და ჩემნაი მომღერლებს გვეხმარება კარგი მუსიკის პოპულარიზაციაში. საქართველოში „underground” მუსიკა ასე თუ ისე კარგად არის განვითარებული, „upground” კი შედარებით ნაკლებად. აქ ვინც არის ახლა, თითქმის ყველა ჩემი მეგობრები არიან, თუმცა გამვლელები ჩერდებიან და უსმენენ ჩვენს მუსიკას, რაც ძალიან სასიამოვნოა.“ GSD: „სამი წელია, რაც ქუჩის დღეებში ვიღებთ მონაწილეობას, წინა წლებთან შედარებით დახვწილია დონეც და მსმენელის რაოდენობაც გაზრდილია, ნელ-ნელა უფრო უკეთესობისაკენ მივდივართ. ქუჩის დღეები ემსახურება იმას, რომ თითოეულ მომღერალს და შემსრულებელს, არ აქვს მნიშველობა ის პროფესიონალია თუ არაპროფესიონალი, საშუალება ქონდს მსმენელს გააცნოს საკუთარი რეპერტუარი და დაუკრას საჯაროდ. საქართველოში ყველა უკრავს თავისთვის, წყნარად, არავის აქვს სურვილი, რომ გარეთ დაუკრან, შეიტანონ გარკვეული ცვლილება საკუთარ შესრულებაში და საზოგადოებაში მოახდინონ განსხვავებული ეფექტი. პირადად ჩემთვის კი მუსიკა არის ყოველდღიურობა, ძალიან დიდი ხანია ვუკრავ, მაგრამ ყოველდღე რაღაც ახალს ვსწავლობ, უმუსიკოდ მრთლა ძალიან რთული იქნებოდა ჩემთვის ცხოვრება.“
MIKE:
„ქუჩის დღეებში წელს პირველად ვიღებ მონაწილეობას, საკმაოდ დადებითი ემოციებით ვარ ავსებული, ეს ყველაფერი კი ემსახურება ქუჩის მუსიკის განვითარებას არიან ბენდები რომელიც არ ჩანან, თუმცა რეალურად სხვა პოპულარუ ჯგუფებზე მეტი შეუძლიათ. ჩვენს ქვეყანაში შედარებით უფრი განვითარებულია აკუსიკური მუსიკა, ხოლო “underground” მუსიკა ნაკლებად. ჩემთვის კი მუსიკა არის ყველაფერი, ჩემი დღე იწყება მუსიკით და მთავრდება მუსიკით, მე მუსიკით ვცხოვრობ.“
WATCHTOWER:
„ჩვენ ერთად ვუკრავთ წინა წლის დეკემბრის ბოლოდან, ქუჩის დღეებში პირველად ვიღებთ მონაწილეობას, ნამდვილად კარგად ემსახურება მუსიკის პოპულარიზაციას ეს ფესტივალი, თუმცა სასურველი იქნებოდა უფრო მეტი ხალხი, რომ დადიოდეს და მეტი მსმენელი აფასებდეს. ჩევნ ვუკრავთ როკ მუსიკას და როკ მუსიკაში ჩვენს ქვეყანაში არსებობენ ბენდები და პიროვნებები, რომლებიც ქმნიან კარგ მუსიკას, თუმცა კომერციულ დონეზე, მასებში არ არის პოპულარული, რადგან არ არის მოთხოვნა. ჩვენთვის კი მუსიკა ცხოვრების წესია, ის რელიგიაა.“
02.06.14
ანო მუქათარიძე
